گه‌ڕان

Shadow Shadow
سیاسه‌تی

عەبدولرەزاق شەریف: عومەری سەید عەلی وتی بەشكم پرسەی كاك نەوشیروان ببێتە عاملی خێر بۆ ئاشتبونەوەمان لەگەڵ پارتی

2019.05.21 - 12:24
App store icon Play store icon Play store icon
عەبدولرەزاق شەریف: عومەری سەید عەلی وتی بەشكم پرسەی كاك نەوشیروان ببێتە عاملی خێر بۆ ئاشتبونەوەمان لەگەڵ پارتی

کەناڵی ناس کورد لە تێلیگرام جۆین بکە   

ناس كورد- عەبدولڕەزاق شەریف رێكخەری پێشووی ژووری رۆژنامەوانی بزووتنەوەی گۆڕان لەمیانەی بڵاوكردنەوەی بەشی چوارەمی زنجیرە وتارێكی بەناوی (ئیتر قسە ئەكەم)، باس لە ساتی كۆچی دوایی نەوشیروان مستەفا رێكخەری گشتی بزووتنەوەی گۆڕان دەكات. . عەبدولڕەزاق شەریف رێكخەری پێشووی ژووری رۆژنامەوانی گۆڕان، لە بەشی چوارەمی وتارەكەیدا ئاماژە بەوە دەكات، گروپێك لە گردی زەرگەتە لە رۆژی مردنی نەوشیروان مستەفا ویستویانە خەڵكی دوربخەنەوە و نەیانهێشتوە منداڵەكانیان بەشداربن. . دەشڵێت، سەیری ڤیدیۆكان بكەن، یەك ئەندامی جڤات لەگەڵ تەرمی نەوشیروان مستەفادا نە بەپێ یان بە ئۆتۆمبێل لەگەڵی نەبوون. . شەریف لەبەشێكی نووسینەكەدا باس لە دروستكردنی لیژنەیەك دەكات بۆ كۆكردنەوەی پارە لە دەوڵەمەندەكانی شاری سلێمانی و ئاماژە بەوە دەكات كە "هێشتا چلەی كۆچی دوایی نەوشیروان مستەفا نەچووبوو، هەندێك لە بەرپرسانی گۆڕان لە كۆبونەوەیەكدا لیژنەیەكیان بەبیانووی نەبوونی پارەوە بۆ گەڕان بەسەر دەوڵەمەندەكانی شاردا پێكهێنا، ناوی چیا‌و نما لەگەڵ ئاواتی شێخ جەناب بۆ ئەو لیژنەیە پێشنیاز كرا". . روونیدەكاتەوە، ئەو داوای كردووە كوڕەكانی نەوشیروان مستەفا لە مەسەلەی پارە و كۆكردنەوەی پارەدا باس نەكەن و جەخت دەكاتەوە كە ئەو بەبێدەنگی ئەو بابەتەی بە عومەری سەید عەلی وتووە و ئەویش بەدەنگی بەرز و تووڕەبوونەوە وتوویەتی : ئێ چی بكەین، پارە بەوان ئەدەن‌ و بەئێمەی نادەن. . عەبدولڕەزاق شەریف لە وتارەكەیدا ئاماژە بە دوورخستنەوەی چەند سەركردە و كەسێكی نزیك لە نەوشیروان مستەفا دەكات لە دوای كۆچی دوایی، دەشڵێت "حەمە تۆفیق رەحیم بەئاشكرا ئەیووت كاتی ئەوەیە عوسمان ‌و قادر دەربكەین، عومەر سەید عەلی دەستەواژەی "نوێنەری ماڵی كاك نەوشیروان"ی بۆ حەمە تۆفیق بەكارئەهێنا، جوامێری برازای كاك نەوشیروان لە هەفتەی یەكەمی پرسەكەدا لە كاروباری ژوری دیپلۆماسی دورخرایەوە، بەختیاری براو هاوڕێی 50 ساڵەی كاك نەوشیروان بێزارو دەبوغزێنرا". . رێكخەری پێشووی ژووری رۆژنامەوانی گۆڕان لە وتارەكەدا جەخت لەسەر ئەوە دەكاتەوە "عومەر سەید عەلی وتوویەتی : بەشكم ئەم تەعزێیە ببێتە عاملی خێر بۆ ئاشتبونەوەمان لەگەڵ پارتی". . بۆ خوێندنەوەی تەواوی وتارەكە كرتە لەسەر ئەم بەستەرەی خوارەوە بكە: ئیتر قسە ئەكەم .