گه‌ڕان

Shadow Shadow
سیاسه‌تی

ساندەکەی هەرێم

شاندەکەی هەرێم دەست بە ئەنجامدانی چەند کۆبوونەوەیەکی ’’جیاواز’’ دەکات

2020.12.28 - 10:16
App store icon Play store icon Play store icon
شاندەکەی هەرێم دەست بە ئەنجامدانی چەند کۆبوونەوەیەکی ’’جیاواز’’ دەکات

ناس کورد-

بڕیارە لەدوای کۆبوونەوەی لەگەڵ پەرلەمانی کوردستان، شاندی دانوستانکاری حکومەتی هەرێم لەگەڵ بەغدا، سەردانی لایەنە سیاسییەکانی هەرێم دەکات و لەگەڵیاندا کۆدەبێتەوە.

کەناڵی ناس کورد لە تێلیگرام جۆین بکە   

 

هێمن هەورامی، جیگری سەرۆکی پەرلەمانی کوردستان لە کۆنفرانسێکی ڕۆژنامەوانیدا (دووشەممە 28ی کانوونی یەکەمی 2020) ڕایگەیاند، "ئەمڕۆ شاندی حکومەتی هەرێم دێنە پەرلەمان و ناوەڕۆکی گفتوگۆکانیان لەگەڵ بەغدا ڕووندەکەنەوە کە بەگوێ گەیشتوون و لەسەر چێ ڕێککەوتوون و لەسەر چی ڕێکنەکەوتوون."

 

وتیشی، "بڕیارە لەدوای ئەم کۆبوونەوەیە و لە ڕۆژانی داهاتوودا، شاندەکەی حکومەتی هەرێم سەردانی لایەنە سیاسییەکانی هەرێمیش بکەن و لەگەڵیاندا کۆببنەوە."

 

جێگری سەرۆکی پەرلەمان ئاماژەی بەوەشکرد، "شاندەکەی هەرێم پێویستیان بە پشتگیری پەرلەمان و لایەنە سیاسییەکان هەیە و پێویستە هەمووان پێکەوە پشتگیریان بکەین."

 

سەبارەت بە چوونی شاندێکی سیاسییش بۆ بەغدا، هێمن هەورامی باسی لەوەکرد، "هەرکات پێویست بکات شاندی سیاسیی هەرێم سەردانی بەغدا دەکات و هەمووکات بۆ سەردانەکە ئامادەیە."