گه‌ڕان

Shadow Shadow
سیاسه‌تی

کارەبای عێراق پەکی کەوت

ئێران کارەبای عێراق پەک دەخات و لەوبارەیەوە هۆشداری دەدرێت

2020.12.27 - 13:25
App store icon Play store icon Play store icon
ئێران کارەبای عێراق پەک دەخات و لەوبارەیەوە هۆشداری دەدرێت

ناس کورد-

وتەبێژی وەزارەتی کارەبای عێراق ڕایگەیاند، بەهۆی کەمیی غازی هەناردەکراوی ئێران، بەرهەمهێنانی کارەبا لە سەرانسەری عێراق دابەزیوە بۆ نیوە و کاتژمێرەکانی پێدانی کارەباش لە بەغدا و پارێزگاکانی دیکە کەمیکردووە بۆ تەنها پێنج کاتژمێر لە ڕۆژێکدا، هۆشداریشدا، لەئەگەری ڕوودانی شەپۆلێکی ناڕەزایەتی جەماوەریی توند ئەگەر کێشەکە بەزووترین کات چارەسەر نەکرێت.

کەناڵی ناس کورد لە تێلیگرام جۆین بکە   

 

ئەحمەدعیبادی، وتەبێژی وەزارەتی کارەبای عێراق، لە میانەی لێدوانێکی ڕۆژنامەوانیدا بۆ ڕۆژنامەی "الشرق الاوسط" (یەکشەمممە 27ی کانوونی یەکەمی 2020) کە "ناس کورد" بەدواداچوونی بۆکردووە ڕایگەیاند، " بەهۆی کەڵەکەبوونی قەرزی پارەی ئەو غازەی کە عێراق لە ئێرانەوە هاوردەی کردووە بۆ بەگەڕخستنی وێستگەکانی کارەبا، ئێران ڕێژەی غازی هەناردەکراوەی لە 50 ملیۆن مەتر سێجا لە ڕۆژێکدا کەمکردووەتەوە بۆ تەنها پێنج ملیۆن مەترسێجا لە ڕۆژێکدا".

 

ئاماژەی بەوەشکردووە، "ئەو ڕێژە غازەی کە لە ئێستادا ئێران هەناردەی عێراقی دەکات ناتوانرێت لەڕێگەیەوە پێداویستی وێستگەکانی کارەبای پێ پڕبکرێتەوە، ئەوەش وایکردووە کاتژمێرەکانی پێدانی کارەبا بە هاووڵاتیان لە بەغدا و پارێزگاکانی ناوەڕاست و باشوری عێراق کەمبکرێتەوە بۆ پێنج کاتژمێر لەڕۆژێکدا".

 

وتەبێژی وەزارەتی کارەبای عێراق، ئەوەشی ڕوونکردووەتەوە، " نەبوونی غازی پێویست بۆ کارپێکردنی وێستگەکانی بەرهەمهێنانی کارەبا وایکردووە ڕێژەی  بەرهمهێنانی کارەبا لە 19هەزار مێگاوات کەمبێتەوە بۆ 10 هەزار مێگاوات".

 

عیبادی جەختیلەوەشکردووەتەوە، " بۆ ئەوەی وەزارەتی کارەبا بتوانێت هاوشێوەی دۆخی جاران تەزووی کارەبا بدات بە هاووڵاتیان، دەبێت جارێکی دیکە ئێران وەک پێشوو غاز هەناردەی عێراق بکات، چونکە لە ئیستادا وەزارەتی کارەبای عێراق توانای دابینکردنی ئەو بڕە غازەی نییە".

 

داواشی لە حکومەت کردووە، بەزووترین کات ڕێکاری سیاسی و دیبلۆماسی بگرێتەبەر بۆ ئەوەی ئێران قەرزەکانی دوابخات و جارێکی دیکە غاز هەناردەی عێراق بکاتەوە، بەپێچەوانەوە ئەگەری هەیە کێشەی نەبوونی کارەبا حکومەت دووچاری شەپۆلێکی  ناڕەزایەتیی جەماوەری تووند بکاتەوە.