گه‌ڕان

Shadow Shadow
سیاسه‌تی

کارەبا و ئاوى سەهۆڵاو

چیرۆکى رفاندن و ئەشکەنجەدانى ژنە کارمەندێکى تەندروستى لەبەغدا

2020.12.25 - 13:17
App store icon Play store icon Play store icon
چیرۆکى رفاندن و ئەشکەنجەدانى ژنە کارمەندێکى تەندروستى لەبەغدا

ناس کورد-

 

رفاندن و ئەشکەنجەدانى سەخت کۆڵى بە ئینتسار ناهى نەداوە لە پێشکەشکردنى خزمەتگوزاریی تەندروستى بە خۆپیشاندەرانى گۆڕەپانى تەحریر و هێزە ئەمنییەکان و دەڵێت ئەو کارانە ئیرادەیان ناڕوخێنێت.

کەناڵی ناس کورد لە تێلیگرام جۆین بکە   

 

ئينتسار ناهى يەكێك لەو كارمەندە پزيشكییە كە فرياگوزارى خێراى پێشكەشى بريندارانى خۆپيشاندانەكانى بەغدا دەكرد، رۆژى دوشەممەى رابردوو بۆ شوێنێکى نادیار رفێنرا و دواتر ئازادکرا.

 

ئينتسار لە گفتوگۆيەكى تەلەفزيۆنيدا كە ناس كورد بەدواداچونى بۆ كردوە (هەينى 25ى كانونى يەكەمى 2020) دەڵێت، كاتژمێر 2ى پاشنيوەڕۆ بوو لە باب موعزەم لەلايەن ژمارەيەك كەسەوە بە ئۆتۆمبێلێكى جام ڕەش بە بەرچاوى هەموانەوە ڕفێنراوە.

 

ڕونيشيكردوەتەوە، "چاوم بەسترابوەوە و برامە شوێنێكى ناديار و دەستيان كرد بە ئەشكەنجەدانم لە ڕێگەى كارەباوە، كاتێك داواى ئاوم دەكرد ئاوى سارديان دەهێناو لەبرى ئەوەى بمدەنێ دەيانكرد بەسەرمدا، داوايان لێدەكردم كە لە گرتەيەكى ڤيديۆييدا دان بەوەدا بنێم كە كار بۆ باڵيۆزخانەى ئەمريكا و بەعس دەكەم".

 

ئينتسار باسلەوەشدەكات، هەموو ئەو شتانەم ڕەتدەكردوە و زياتر ئەشكەنجەيان دەدام، كاتێك ئاگام لەخۆم نەدەما بە ئاوى سارد و سەهۆڵاو دوبارە خەبەريان دەكردمەوە، دواتر دوبارە چاويان بەستمەوە و سوارى ئۆتۆمبێليان كردم، وتيان 15 خولەكى پێدەچێت لابكەيتەوە بەملاولادا دەتكوژين و دواتر دايانگرتم و لەشوێنەكە نەمان.

 

ئەو كارمەندە پزيشكيە لە درێژەى گێڕانەوەكەيدا دەڵێت، دواتر پرسيارم لە شۆفێرێكى تەكسى كرد وتى تۆ لە ناوچە بەسمايەى.

 

هەروەها داوا لە سەرۆك وەزيران دەكات هاووڵاتيان بپارێزێت و دەڵێت، "ئێمە وەك ژنان نەپارێزراوين ئێستا هاوڵاتى چۆن پارێزراوە، هاتمە دەرەوە بۆ هاوكاريكردنى برا خۆپيشاندەرەكانم و هێزە ئەمنيەكان و خزمەتگوزارييەكەم تەنها مرۆييە، ڕفاندنەكان ئيرادەى عێراقيەكان ناشكێنێت و هاتينە دەرەوە بۆ گەڕاندنەوەى نيشتمان نەك بە ڕێنمايى لايەنێكى دياريكراو، دەكرێت ئاوا بە عێراقيەكان بكرێت؟… مافەكانمان كوان؟".