گه‌ڕان

Shadow Shadow
سیاسه‌تی

ڕێککەوتن کراوە یاخود نا؟

’’ئایا ڕێککەوتن لەنێوان هەرێم و بەغدا کراوە یاخود نا ؟’’

2020.12.23 - 13:25
App store icon Play store icon Play store icon
’’ئایا ڕێککەوتن لەنێوان هەرێم و بەغدا کراوە یاخود نا ؟’’

ناس کورد-

ئەندامێکی لیژنەی دارایی پەرلەمانی عێراق باس لە ڕێککەوتنی نێوان هەرێم و بەغدا دەکات و چەند پرسیارێک ئاڕاستەی شاندی هەرێمی کوردستان کە دەڵێت، لەگەڵ حکومەتی عێراق ڕێککەوتوون. 

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە

ئەحمەدی حاجی ڕەشید، ئەندامی لیژنەی دارایی لە پەرلەمانی عێراق (چوارشەممە 23ی کانوونی یەکەمی 2020) لە فەیسبوکی فەرمیی خۆی بابەتێکی لەژێر ناونیشانی "ئایا ڕێککەوتن کراوە یاخود نا؟" بڵاوکردووەتەوە.

 

لە نوسینەکەیدا ئەحمەدی حاجی ڕەشید ئاماژەی بەوەکردووە، گرفت و کێشەکانی ئێستای نێوان حکومەتی هەرێم و حکومەتی فیدڕاڵ زۆر دیار و ئاشکران کە بریتین لە :  

 

١- ڕادەستکردنی داهاتی نەوتی  .

٢- رادەستکردنی داەاتی نانەوتی

۳- ژمارەی فەرمانبەران  .

٤- ژمارەی پێشمەرگە  .       

٥- ئیدارەدانی کێڵگە نەوتی

٦- دەروازە سنوریەکان .

 

ئەوەشی خستووەتەڕوو، لەبەرانبەردا داخوازیەکانی خەڵکی هەرێمی کوردستان : ئەمانەن:

 

۱- شایستەدارایەکان .

۲- پشکی بوجەی حاکمە کە خۆی لە (پیتاکی خۆراک و بڕی دەرمانی پێویست  و تەرخانکراو بۆ سوتەمەنی وێستگەکان دەبینێتەوە) .

 

۲- ڕێژەی دانیشتوان .

 

۳- پشکی پەرەپێدانی پارێزگاکان ٤_شایستەی گەنمی جوتیاران.

 

ئەو ئەندامەی لیژنەی دارایی دەڵێت، "سروشتی ڕێککەوتن وا دەخوازێت لەکۆتاییدا هەردوولا  ئەو ڕێککەوتنە بۆ جەماوەری هەردوولا ئاشکرا دەکەن بۆ ئەم مەبەستانە :

۱- مافی هەرلایەک بەسەر ئەوی ترەوە چەندە و چییە .

۲- لەکاتی جێبەجێنەکردنی بڕگەی ڕێکەوتنەکە کەمتەر خەم دەست نیشان بکرێت .

۳- پلەبەندی ڕێکەوتنەکە چۆنە .

 

ئەوەشی خستووەتەڕوو، "یاخود لەکۆنگرەیەکی ڕۆژنامەگەری هاوبەشدا ڕێککەوتنەکە باس دەکەن کە وێنە ڤیدیۆیەکە دەبێتە بەڵگەنامە بۆ گەڕانەوە بۆی لەکاتی دروست بوونی نیزاعدا."

 

باسی لەوەشکردووە، " ئەم ڕێککەوتنەی ئێستا کە شاندی هەرێم بەتاک لایەنە ڕایگەیاند بەندەکانی چیبوون، ئەگەر دەڵێن ئەوەی لە پرۆژەیاسای بوجەدا هاتووە لەسەری ڕێکەوتوین بۆ دڵنیاییتان ئەو دەقانە زۆربەی لە پرۆژەیاساکانی ساڵەکانی ۲٠۱٥ دا هاتوون هیچیشی لێ سەوز نەبووە. "

 

باسی لەوەشکردووە، ئەگەر ڕێکەوتوون:

 

ئایاژمارەی موچەخۆرانتان لە یاساکە جێگیر کرد ؟

- ژمارەی پێشمەرگەتان جێگیر کرد ؟

- ئیدارەدانی خاڵە گومرگیەکان چۆن دەبێت ؟

- گرفتی گرێبەستە نەوتیەکانتان چۆن چارەسەر کرد ؟

 

- چیتان کرد بۆ شایستە داراییەکانی گەنمی جوتیاران خۆ ئەوانەش خەڵکی ئەم وڵاتەن بایەکجاریش بێت بیرتان بێت کە لە ۲٠۱٤،۲٠۱٥ ،۲٠۱٦ ، ۲٠۲٠ پارەی گەنمە فرۆشراوەکەیان وەرنەگرتوە؟

- ئایا بۆ ڕێژەی دانیشتوان چۆنتان جێگیر کرد لەکاتیکدا لە پرۆژەیەدا  لە ڕاپۆرتی وەزارەتی پلان داناندا هاتووە کە ڕێژەی دانیشتوان ۱۳،۹۲۷٪   کە دڵنیام کەستان نەتانخوێندوەتەوە .

 

ئەحمەدی حاجی ڕەشید ئاماژەی بەوەشكردووە، لەهەمووی گرنگتر لەدانوستاندا بریتیە لە سەقفی زەمەنی و ئەو دەپرسێت:

 

- چیتان داناوە بۆ ئەو بابەتە

- ئایا داوای تەرەفی سێهەمتان کرد بۆ ناوبژیوانی چونکە متمانەتان بەبرانبەر نیەو متمانەشتان لەدەست داوە.

- بەڕاستی ئەوەی گوێی لەکۆنگرە ڕۆژنامە نوسیەکەی جێگری سەرۆکی حکومەت بێت :

- دەزانێت و تێدەگات نەڕێکەوتن کراوە و نەلەپەرلەمانیشدا ئەو بڕگانەی بوجە تێدەپەڕن بەو شێوەی کەهاتوە.

- تەنها هەردولا حکومەتی هەرێم و حکومەتی فیدراڵ حەلی کێشەکەیان پێنەکراوە و بە پەرلەمانیان سپاردووە.