گه‌ڕان

Shadow Shadow
سیاسه‌تی

سڵێمان هەڵشۆیی

ئاسایشی ڕاپەڕین ڕوونکردنەوەیەکی لەبارەی سڵێمان هەڵشۆیی بڵاوکردەوە

2020.12.20 - 14:34
App store icon Play store icon Play store icon
ئاسایشی ڕاپەڕین ڕوونکردنەوەیەکی لەبارەی سڵێمان هەڵشۆیی بڵاوکردەوە

ناس کورد-

ئاسایشی ڕاپەڕین ڕوونکردنەوەیەکی لەبارەی سڵێمان هەڵشۆیی بڵاوکردەوە و ڕایگەیاند، کەسانێک لە دەڤەری ڕاپەڕین لە ساڵانی ڕابردوو ئەو کارە دەکەن و هیچ پێشینەیەکی کاریان نییە کە بەداخەوە خەڵک بڕوایان پێدەکات و ڕەنجی خۆیان دەکەنە دەستی ئەو کەسانەوە.

کەناڵی ناس کورد لە تێلیگرام جۆین بکە   

 

لە ڕوونکردنەوەیەکدا بەڕێوەبەرایەتیی ئاسایشی ڕاپەڕین (یەکشەممە 20ی کانوونی یەکەمی 2020) ڕایگەیاند، " ئاسایش و هێزە ئەمنیەكانی سنورەكە ئەركیان پاراستنی سەروماڵی هاوڵاتیانە، بەداخەوە لە دەڤەری ڕاپەڕین لە ساڵانی ڕابردوودا دیاردەی نا جۆرو مامەڵەی نائەقڵانی ڕوودەدەن و بووەتە هۆی زەرەرمەندبوونی زۆرێك لە هاووڵاتیانی سنورەكە کە بەهۆی ناهۆشیاری ڕەنجی چەند ساڵەی قوتی ماڵ و منداڵیان دەخەنە بەردەم كەسانێكی لە پڕهەڵتۆقیوی نەناسراو كە هیچ پێشینەیەكی كار و كەسابەتی دوور مەودای نیە."

 

ئاماژەی بەوەشكردووە، " ئەو کەسانە خەڵكی سنورەكە دەكەنە پەیژەو پێیاندا سەردەكەون و لەپڕدا ئیفلاس بونی خۆیان ڕادەگەیەنن كە دەبێتە هۆی ماڵ وێرانی بۆ دەیان خێزان و دروستبوونی كێشەی كۆمەڵایەتی و تێكچوونی شیرازەی خێزان بەهۆی دەست بردن بۆ مامەڵەی نا شەرعی و نادروست."

 

ئاسایشی ڕاپەڕین دەشڵێت، "لە كاتێكدا قەیران بەرۆكی هەرێمەكەمانی گرتووە خەڵكانێك زەفەردێنن  و بە دەیان ملیۆن دۆلار دەبەن و گورزی كەمەر شكێن لە جوڵەی كارو كەسابەتی ئاسایی ئەم سنورە دەوەشێنن، بۆیە داوا لە هاووڵاتیان دەكەین هۆشیار بن و نەكەونە داوی مامەڵەی نادروست و تەماحی بەدەستهێنانی پارە كە دەبێتە هۆی مایە پوچ بوونیان وە ئەوە بۆ چەندین جار دووبارە دەبێتەوە."

 

جەختیشیکردووەتەوە، "ئەم مامەڵانە دەچێتە خانەی دەست بڕین و لە ڕۆژانی ڕابردوودا دۆسیەیەك هەبوو لە سنوری ئاسایشی سەنگەسەر لەسەر سكاڵای هاوڵاتیان كەسێك بەفەرمانی دادوەر بەمادەی (٤٥٦) دەستگیر كرا لەلایەن هێزەكانمانەوە و دواتر بە هۆی تایبەتمەندی دۆسیەکە هەواڵەی بەڕێوەبەرایەتی پۆلیسی ڕاپەڕین كرا."