ناس کورد-
کەسوکاری دەستگیرکراوانی سنوری پارێزگای دهۆک لە بەردەم پەرلەمانی کوردستان گردبوونەوە و داوای دیاریکردنی چارەنوسی کەسوکاریان و ئازادکردنیان دەکەن.
کەناڵی ناس کورد لە تێلیگرام جۆین بکە
ماوەی چەند مانگێکە لە سنوری پارێزگای دهۆک چەندین چالاکوان و رۆژانەمەنوس بەهۆی بەشداریکردن لە خۆپیشاندان دەستگیرکراون و تائێستا ئازاد نەکراون.
ئەمڕۆ یەکشەممە 20ی کانوونی یەکەمی 2020، کەسوکاری ئەو دەستگیرکراوانە لەبەردەم پەرلەمانی کوردستان گردبوونەوە و داوای ئازادکردنی کەسوکاریان کرد و ڕایانگەیاند، "ئەو چالاکوان و ڕۆژنامەنوسانە بەبێ بڕیاری دادگا و بەدەر لە یاسا دەستگیرکراون."
ئاماژەیان بەوەشكرد، هەرێمی کوردستان لە دۆخێکی دارایی خراپدایە و ئەو کەسانەش بۆ داواکردنی مافەکانیان خۆپیشاندان و ناڕەزایەتییان ئەنجامداوە و حکومەت بەرپرسە لەو دۆخەی دروست بووە و پێویستە چارەسەری بکەن، نەوەک هاووڵاتیان دەستگیر بکەن.
کەسوکاری ئەو دەستگیرکراوانە ئەوەشیان خستەڕوو، داوا لە هەرسێ سەرۆکایەتییەکەی هەرێم دەکەن بەزووترین کات کار بکەن بۆ ئازادکردنی کەسوکاریان و چارەنوسیان دیاری بکەن.
