گه‌ڕان

Shadow Shadow
سیاسه‌تی

وردەکاریى زیاتر

هۆشدارى کەشناسى لەبارەى کەمبونەوەى مەوداى بینینى شارەکانى کوردستان

2020.12.18 - 22:12
App store icon Play store icon Play store icon
هۆشدارى کەشناسى لەبارەى کەمبونەوەى مەوداى بینینى شارەکانى کوردستان

ناس کورد-

بەڕێوەبەرایەتى گشتى کەشناسى و بومەلەرزەزانى هەرێمى کوردستان راگەیەندراوێکى لەبارەى کەمبوونەوەى مەوداى بینینى شارەکان بەهۆى دروستبوونى تەمومژەوە بڵاوکردەوە.

 

کەناڵی ناس کورد لە تێلیگرام جۆین بکە   

لەراگەیەندراوێکى بەڕێوەبەرایەتى گشتى کەشناسى و بومەلەرزەزانى هەرێمى کوردستان کە لە پەیجى بەڕێوەبەرایەتییەکە لە فەیسبوک بڵاوکراوەتەوە و "ناس کورد" بینیوویەتى  (18ى کانونى یەکەمى 2020) ئاماژە بەوە کراوە "بەهۆی زیادبوونى ڕادەی شێ و سەقامگیرى بار و دۆخى کەش هەوا و کەمى خێرایی با کە ئەمانە ڕێ خۆشکەرن بۆ دروست بوونى تەم و مژ".

 

بەگوێرەى راگەیەندراوەکە،  بەهۆی تەمومژەوە مەودای بینین لەم ناوچانەى خوارەوە بەم شێوەیەیە:

 هەولێر 5 کم  ڕادەى شێ  91%

 شەمامک 3 کم ڕادەی شێ  90%

 چەمچەماڵ 6 کم ڕادەی شێ 79%

 دهۆک 8 کم ڕادەى شێ  78%

 خورماتوو 2 کم ڕادەی شێ 93%

 

لە راگەیەندراوەکەدا ئەوە رونکراوەتەوە، پێشبینیش دەکرێ لە درەنگانى شەو بە تایبەت لە ناوچەکانى رۆژئاوای هەرێم تەمومژەکە چڕتر بێتەوە و مەوداى بینینیش کەمتر بکات تا سبه‌ى به‌یانىیش به‌رده‌وام دەبێت.

هاوپێچ لەگەڵ راگەیەندراوەکەدا نەخشەیەک بڵاوکراوەتەوە کە تیایدا ناوچە سپییەکان نیشانەن بۆ شوێنى دروستبوونى تەم.