گه‌ڕان

Shadow Shadow
سیاسه‌تی

شەڕی ئێران و توركیا

راپۆرتێكی لەندەنی: هێرشی سەر مەیخانەكانی بەغدا بەشێكە لە شەڕی ئێران و توركیا

2020.12.18 - 14:45
App store icon Play store icon Play store icon
راپۆرتێكی لەندەنی: هێرشی سەر مەیخانەكانی بەغدا بەشێكە لە شەڕی ئێران و توركیا

ناس کورد-

رۆژنامەی ئەلعەرەبی چاپی لەندەن بڵاویكردەوە، هەڵمەتی هێرش بۆسەر مەیخانەكانی بەغدا ئامانج لێی راگرتنی بازرگانی مەی و خواردنەوەكانە كە سەرچاوەكەی توركیا و هەرێمی كوردستانە بۆ ئەوەی بەكارهێنەری مادەی هۆشبەر زیاتر ببن كە لە ئێرانەوە دێتە عێراق

کەناڵی ناس کورد لە تێلیگرام جۆین بکە   

 

راپۆرتێكی رۆژنامەكە ئەمڕۆ (18 كانونی یەكەمی 2020) كە "ناس كورد" خوێندنەوەی بۆ كردووە، ئەوە دەخاتەڕوو، كەمبوونەوەی بەرچاوی مەی لەبەر هێرشەكانی سەر مەیخانەكانی بەغدا، بازاڕی ئەو مادە هۆشبەرانەی گەرمكردووە كە لە ئێرانەوە دێنە شارەكانی عێراق بەتایبەت كریستاڵ كە كۆئەندامی دەمار توشی هیلاكی و كێشەی زۆر دەكات. لەم میانەیەشدا پارێزەر و یاساناسی عێراقی تاریق حەرب دەڵێت، "بازاڕی مادەی هۆشبەر خۆشحاڵە بە داخستنی بازاڕی مەی و یانە شەوانەكان".

 

لە سێ هەفتەی رابردوودا زۆربەی مەیخانەكانی بەغدای پایتەخەت كە خواردنەوە كهولییەكان لەرێگای توركیاو هەرێمی كوردستانەوە هاوردە دەكەن دووچاری هێرشی بۆمبی چێنراو بوونەوە، ملیشیاكانی سەر بەئێرانیش تۆمەتباركران بەئەنجامدانی ئەم هێرشانە، بەگوێرەی راپۆرتەكەی ئەلعەرەب بەم هۆیەشەوە بازرگانی خواردنەوەی كهولی بەرێژەی 50% پاشەكشەی كردووە بەرامبەر بە گەشەكردنی بڵاوبوونەوەی مادەی هۆشبەر كە بەئاسانی دەست دەكەون لەشارەكانی عێراق.