گه‌ڕان

Shadow Shadow
سیاسه‌تی

پیلانی تیرۆرکردنی کوردێک

سیخوڕێکى میت پیلانى تیرۆرکردنى کەسایەتییەکى کورد ئاشکرا دەکات

2020.12.17 - 16:49
App store icon Play store icon Play store icon
سیخوڕێکى میت پیلانى تیرۆرکردنى کەسایەتییەکى کورد ئاشکرا دەکات

 

ناس کورد-

ڕۆژنامەیەکى بەریتانى بڵاویکردەوە، دواى ئەوەى سیخوڕێکى سەربە دەزگای میتى تورکى خۆى رادەستى پۆلیسى نەمسا کردووە، پلانى کوشتنى سێ چالاکى سیاسى ئاشکرا کردووە کە یەکێکان کوردە.

کەناڵی ناس کورد لە تێلیگرام جۆین بکە   

 

ڕۆژنامەى تەلەگرافى بەریتانى لەڕاپۆرتێکدا  کە "ناس کورد" بەدواداچوونى بۆ کردووە (17ى کانوونى یەکەمى 2020) ئەوەى ئاشکراکردووە، سیخوڕێکى تورکى بەناوى فەیاز ئۆزتورک نێردراوە بۆ جێبەجێکردنى پیلانێک بەمەبەستى کوشتنى سێ کەسایەتى لەناو خاکى نەمسادا.

 

ئاماژە بەوەشکراوە، بێریڤان ئەسڵانى تەمەن 39 ساڵ کە یەکێکە لەژنە سیاسییە کوردەکانى نەمسا یەکێک بووە لەو کەسانەی لەناو پیلانى تیرۆرکردنەکەدا ناوی هەبووە. 

 

بەپێی رۆژنامەکە، دەسەڵاتدارانى نەمسا ئەو پیلانەیان بەجدى وەرگرتووە و ئەو سیاسیەش کە لەئامانجەکەدا بووە خراوەتە ژێر چاودێرییەوە و ڕێگەى پێنادرێت لەماڵ بچێتە دەرەوە تا وەکو کەمەربەند نەبەستێت.

 

لەسەر ئەو کەیسە پارێزەرەکانى ئۆزتۆرک کە هاوڵاتیەکى ئیتاڵی بەڕەگەز تورکییە جەختیان لەسەر ئەوە کردووەتەوە، دواى ئەوەى ئۆزتورک خۆى ڕادەستى دەسەڵاتدارانى نەمسا کردووە،  بەتۆمەتى سیخوڕى کردن بۆ بەرژەوەندى وڵاتێکى بیانی زیندانى کراوە. 

 

لەپڕۆسەى لێکۆڵینەوە لەکەیسەکەش ئۆزتورک وتوویەتى، لەلایەن دەزگاى میتى تورکییەوە بێزارکراوە بۆ ئەوەى بەشدارى بکات لە پیلانى کوشتنى بێریڤاندا و پێانوتووە، گرنگ نییە  بێریڤان بکوژرێت یاخود بریندار بکرێت، بەڵکو ئامانجى سەرەکیان نانەوەى پشێویی گەیاندنى پەیامێکە بەو سیاسیە.

 

ئاماژەى بۆ ئەوەشکردووە، دەبوو مانگى ئادارى ڕابردوو کردەوەکەى ئەنجامبدایە، بەڵام بەهۆى ئەوەى لە گوندێکى ئیتاڵیا قاچێکی شکاوە ئیتر کارەکە نەکراوە.

 

هەر لەپڕۆسەى لێکۆڵینەوەکاندا ئەو پیاوە سیخوڕە دەستگیرکراوە ئەوەشى ئاشکرا کردووە، پیلانى کوشتن بۆ دوو کەسى سیاسى تر داڕێژراوە کە یەکێکیان بیتەر بێڵزى سەرکردەى پارتى سەوزى نەمساوییە.

 

پیشتر ئەسڵان باسى لەوە کردبوو، تۆڕى هەواڵگرى تورکیا لەنەمسا ژمارەیان دەگاتە نزیکەى 400 سیخوڕ و هەواڵگرى بەسەر پەنابەرانەوە دەکەن.