گه‌ڕان

Shadow Shadow
سیاسه‌تی

پەیامێک لە کونسوڵخانەی ئەمریکاوە

پەیامێک لە کونسوڵخانەی ئەمەریکاوە سەبارەت بە شەڕەکەی پەکەکە و پێشمەرگە

2020.12.15 - 16:13
App store icon Play store icon Play store icon
پەیامێک لە کونسوڵخانەی ئەمەریکاوە سەبارەت بە شەڕەکەی پەکەکە و پێشمەرگە

ناس کورد-

کونسوڵخانەی گشتیی ئەمەریکا لە هەولێر پەیامێکی لەبارەی گیان لەدەستدانی پێشمەرگەیەکی هێزی ڕۆژ لە ڕووبەڕووبوونەوەی پەکەکەدا بڵاوکردەوە و سەرەخۆشی خۆی ئاڕاستەی بنەماڵەکەی کرد.

کەناڵی ناس کورد لە تێلیگرام جۆین بکە   

 

لە ڕاگەیەندراوێکدا کونسوڵخانەی گشتیی ئەمریکا لەهەولێر (سێشەممە 15ی کانوونی یەکەمی 2020) ڕایگەیاند، " پرسە و سەرەخۆشی خۆمان ئاڕاستەی بنەماڵەی مولازمی یەکەم عەبدولڕەحمان ئەمین دەکەین کە لەڕووبەڕووبوونەوەیەکدا لەگەڵ چەکدارانی پەکەکە لەنزیک ئامێدی سەر بەپارێزگای دهۆک گیانی لەدەستدا."

 

ئاماژەی بەوەشکردووە، "ئازایەتی و دڵسۆزیی مولازم عەبدولڕەحمان بۆئەرکەکانی مایەی شانازیە بۆ خەڵکی هەرێمی کوردستان."

 

درەنگانی شەوی یەکشەممە لەسەر دووشەممەی ڕابردوو، میدیای پەکەکە بڵاویکردەوە، "لەلایەن هێزێکی پارتییەوە هێرش کراوەتە سەرمان و سێ گەریلا برینداربوو. " 

 

دوێنێ دووشەممەش، سەرچاوەیەک لە وەزارەتی پێشمەرگە گیان لەدەسیدانی پێشمەرگەیەکی بۆ "ناس کورد" پشتڕاستکردەوە کە ناوی جاهید عەبدولڕەحمان بە پلەی مولازمی یەكەم و سەربە هێزەکانی پێشمەرگەی ڕۆژ بووە.   

  

سەبارەت بە ڕووبەڕووبوونەوەکە پارتی و پەکەکە لەڕێگەی میدیاکانیانەوە یەکتر تۆمەتبار دەکەن بە دەستپێکردنی شەڕەکە.    

  

بەگوێرەی میدیاکانی نزیک لە پارتی دیموکراتی کوردستان، " شەوی ڕابردوو چەكدارانی پەكەكە لە گوندی دێرشی دەڤەری ئامێدی ژمارەیەك گەریلای پەكەكە بە ئۆتۆمبێل لە بازگەیەكی ھێزی پێشمەرگەیان داوە و نەوەستاون، دواتر تەقەیان لە بازگەكە کردووە و ڕووبەڕووبوونەوەکە دروست بووە."     

  

لە بەرامبەردا میدیاکانى پەکەکە دەڵێن، " هێزەکانی پارتى  لە ناوچەى دێراشى ئامێدی هێرشیان کردووەتە سەر ئۆتۆمبێلێکی گەریلا و سێ گەریلا بە سەختی برینداربوون."