گه‌ڕان

Shadow Shadow
سیاسه‌تی

بەپەلە.. شەڕی پێشمەرگە و پەکەکە

شەڕی پێشمەرگە و پەکەکە سێ کوژراوی لێکەوتەوە

2020.12.14 - 10:09
App store icon Play store icon Play store icon
شەڕی پێشمەرگە و پەکەکە سێ کوژراوی لێکەوتەوە

ناس کورد-

دوای ئەوەی شەوی ڕابردوو شەڕ و ڕووبەڕووبوونەوە لەنێوان پێشمەرگە و پەکەکە لە نزیک قەزای ئامێدى ڕوویدا، سەرچاوەیەک لە وەزارەتی پێشمەرگە ڕایگەیاند، لە ڕووبەڕووبوونەوەکەدا پێشمەرگەیەک و دوو گەریلای پەکەکە گیانیان لەدەستداوە.

کەناڵی ناس کورد لە تێلیگرام جۆین بکە   

 

سەرچاوەیەک لە وەزارەتی پێشمەرگەی هەرێم (دووشەممە 14ی کانوونی یەکەمی 2020) بە "ناس کورد"ی ڕاگەیاند، "لە ڕووبەڕووبوونەوەکەدا پێشمەرگەیەک و دوو گەریلای پەکەکە گیانیان لەدەستداوە."

 

ئەو سەرچاوەیە لەگەڵ ئەوەی ئامادەنەبوو زانیاری زیاتر ئاشكرا بکات، بەدووری زانی وەزارەتی پێشمەرگە لە ئێستادا هیچ هەڵوێستێک یاخود ڕاگەیەندراوێک لەوبارەیەوە بڵاوبکاتەوە.

 

بەگوێرەی زانیارییەکان، ئەو پێشمەرگەیەی گیانی لەدەستداوە، ناوی جاهید عەبدولڕەحمان بە پلەی مولازمی یەكەم و جێگری فەرماندەی یەكەی (سریە)ی 2ی فەوجی 3ی زێرەڤانی بووە.

سەبارەت بە ڕووبەڕووبوونەوەکە پارتی و پەکەکە لەڕێگەی میدیاکانیانەوە یەکتر تۆمەتبار دەکەن بە دەستپێکردنی شەڕەکە.

 

بەگوێرەی میدیاکانی نزیک لە پارتی دیموکراتی کوردستان، " شەوی ڕابردوو چەكدارانی پەكەكە لە گوندی دێرشی دەڤەری ئامێدی ژمارەیەك گەریلای پەكەكە بە ئۆتۆمبێل لە بازگەیەكی ھێزی پێشمەرگەیان داوە و نەوەستاون، دواتر تەقەیان لە بازگەكە کردووە و ڕووبەڕووبوونەوەکە دروست بووە." 

 

لە بەرامبەردا میدیاکانى پەکەکە دەڵێن، " هێزەکانی پارتى  لە ناوچەى دێراشى ئامێدی هێرشیان کردووەتە سەر ئۆتۆمبێلێکی گەریلا و سێ گەریلا بە سەختی برینداربوون."