گه‌ڕان

Shadow Shadow
سیاسه‌تی

زانیاری زیاتر

سلێمانی؛ راپۆرتێك لەسەر گوڵەبەڕۆژە سێ میدیاكار دەباتە بنكەی پۆلیس

2020.12.12 - 18:59
App store icon Play store icon Play store icon
سلێمانی؛ راپۆرتێك لەسەر گوڵەبەڕۆژە سێ میدیاكار دەباتە بنكەی پۆلیس

ناس کورد- 

سەنتەى میترۆ ئاشکرایکرد، لەکاتى ئامادەکردنى ڕاپۆرتێک لەسەر گوڵەبەڕۆژە لە سلێمانی هێزەکانى پۆلیس سێ میدیاکار-یان بردووەتەوە بنکەى پۆلیس.

کەناڵی ناس کورد لە تێلیگرام جۆین بکە   

 

سەنتەرى میترۆ لە بڵاوکراوەیەکدا  (شەممە 12ى کانونى یەکەمى 2020) ئاماژەى بەوەداوە، ئێوارەی ئەمڕۆ شەممە پۆلیس سێ میدیاكاری كەناڵی "كوردستان 24 " بەناوەکانى "دالیا كەمال، هەردی حەسەن و بەرهەم جەمال"ی دەستبەسەر كردووە، ئەوەش بەهۆی ئامادەكردنی ڕاپۆرتێك دەربارەی گوڵەبەڕۆژە.

 

لاى خۆیەوە دالیا كەمال بە سەنتەرەکەى وتووە، "سەرقاڵی راپۆرتێك بووین دەربارەی گوڵەبەڕۆژە، پۆلیس هات و خۆمانمان پێناساندن، بەڵام هەر سوربوون بمانبەن بۆ بنكەی پۆلیس، پێمان وتن ئێمە ڕاپۆرتەكەمان لەسەر گوڵەبەڕۆژەیە ئیتر كامێراو مۆبایلەكانیان لێوەگرتین و پاشان كامێراكەیان فۆرمات كرد هەرچەند دڵنیاش بوون لە ڕاپۆرتەكە و دیدارو ئینسێرتەكانمان."

 

باسى لەوەشکردوە، "پاشان لە حەوشەی بنكەی پۆلیسی رزگاری نزیكەی كاتژمێرێك ئێمەیان هێشتەوە پاش ئەوەی ڕاپۆرتەكەیان لە كامێراكەمان سڕییەوەو خۆیان چوونە ژورەوە خەریكی گوڵبەڕۆژە خواردن بوون وەك سوكایەتییەك بە كارەكەمان."

 

سەنتەرى میترۆ هێماى بۆ ئەوەشکردوە، "پرسیارى ئەوە دەکەین ئایا ئەو بابەتە ڕۆژنامەوانییانه چین قەدەغەن و میدیاكاران بۆیان نییە راپۆرتی لەسەر بكەن؟ باشە زانراوە ڕوماڵكردنی خۆپیشاندان باجی هەیەو ڕۆژنامەنوسی لەسەر دەستگیردەكەن، ئایا ئامادەكردنی ڕاپۆرتیش لەسەر گوڵەبەڕۆژە هەر باجی هەیە؟، ئەتوانن لیستێكمان بە قەغەكراوەكان بۆ بنێرن تا میدیاكاران بیزانن؟، بە چ یاسایەك ڕۆژنامەنوس دەستبەسەر دەكەن؟ بە كام یاسا ڕاپۆرت دەربارەی گوڵەبەڕۆژە لە لیستی قەغەكراوەكانە؟."