گه‌ڕان

Shadow Shadow
سیاسه‌تی

هۆکارەکەى بزانە

داخستنی کەناڵی ئێن ئاڕ تی درێژکرایەوە

2020.12.12 - 12:03
App store icon Play store icon Play store icon
داخستنی کەناڵی ئێن ئاڕ تی درێژکرایەوە

ناس کورد-

بەهۆی "پابەندنەبوون بە فەرمانی ڕاگرتنی پەخشەکەى"، وەزارەتی ڕۆشنبیریی هەرێم ڕاگرتنی پەخشی کەناڵی ئاسمانی ئێن ئاڕ تی درێژکردەوە بۆ ماوەی یەک هەفتەى تر. 

کەناڵی ناس کورد لە تێلیگرام جۆین بکە   

 

لە نوسراوێکدا کە واژۆی شیروان عولا خورشید، بەڕێوەبەری گشتی ڕاگەیاندن و چاپ و بڵاوکردنەوەی پێوەیە بڕیار دراوە بە درێژکردنەوەی راگرتنی پەخشی کەناڵی NRT و داوادەکات کەناڵی ناوبراو لە 11:30 خولەکی رۆژی شەممە پەخشەکەی رابگرێت تاوەکو کاتژمێر 11:30 رۆژی شەممە 18ی 12ی 2020.


نوسراوەکە  ئەمرۆ 12ی کانونی یەکەمی 2020 بڵاوکراوەتەوە و وێنەیەکی دەست "ناس کورد" کەوتووە و تێیدا هاتووە، بەهۆی پابەندنەبوونی کەناڵی NRT بە فەرمانی (1128) لە ڕێککەوتی 6ی 12ی 2020 سەبارەت راگرتنی پەخشەکەی، کە کەناڵی ناوبراو بەهەمان فریکیۆنس و بە هەمان ناوو لۆگۆ پەخشی کردووەتەوەو لە پەخشەکەشیدا بەردەوام بووە لە بڵاوکردنەوەی دیمەنی توندوتیژی و سوتاندنی بارەگای حزبی و دەزگای حکومی و هاندانی خەڵک و جارێکی دیکە کەناڵی ناوبراومان ئاگادار کردەوە بە نوسراوی 1136 لە 8ی 12ی 2020 بەڵام پابەندی ئاگادار کردنەوەکە نەبووە بەهۆیەوە پەخشی کەناڵەکە بۆ ماوەی یەک هەفتەی دیکە رادەگیرێت.

Image may contain: text

پێشتریش وەزارەتی رۆشنبیریی هەرێم لەبارەى داخستنى کەناڵەکەوە ڕاگەیەنراوێکى بڵاو کردەوە و (7ى کانوونى یەکەمى 2020) ڕایگەیاند، لەبەر پابەندنەبوونی كەناڵی NRT1 بە رێنمایی تایبەت بە ڕ ێكخستنی بواری میدیای بیستراو و بینراو، بەتایبەتی هەڵسوكەوتكردنی نابەرپرسانەی لەم كاتەدا كە دوورە  لەیاسا و لۆژیك ئەو کەناڵە دادەخرێت.       

  

بەگوێرەی ڕاگەیەندراوێکی بەڕێوەبەرایەتی گشتیی ڕاگەیاندن و چاپ و بڵاوکردنەوە ى سەر بە وەزارەتی ڕۆشنبیری  کەناڵی NRT لەبری پەخشی ئاسایی پێویستە بۆ ماوەی یەك هەفتە، بەچاپكراوی لەسەر سكرینی تەلەفزیۆنەكەیان هەواڵی راگرتنی پەخشی ئاساییان وەكو خۆی بە پیتی گەورە و سپی بڵاوبكەنەوە.      

  

وەزارەتى ڕۆشبیرى داوا لە کەناڵەکەش دەکات،  پێویستە کەناڵەکە  لەسەر شاشەکەى خۆى بنوسێت لەبەر پابەندنەبوونى بەڕێنمایى و یاساکانى سەر وەزارەت کە بۆ ڕێکخستنى کاروبارەکانى کەناڵى بیستراو بینراو دەرکراوە بڵاو بکاتەوە.

    

بەڕێوەبەرایەتى کەناڵى ئێن ئاڕتى ڕایدەگەیەنێت، داخستنى کەناڵەکەیان  بێبەشکردنی هاوڵاتیان و وەرگرانیشە لە ڕاستیی و دروستی ئەوەی کە  لەناو وڵاتدا ڕودەدات.     

  

لەڕاگەیەنراوێکدا کە وێنەیەکى دەست "ناس کورد" کەوتووە، بەڕێوەبەرایەتى کەناڵى ئێن ئاڕتى (7ى کانوونى یەکەمى 2020) ڕایگەیاند، کاتژمێر 2.15 خولەکی بەرەبەیانی ئەمڕۆ هێزێکی ئەمنیی هەڵیکوتایە سەر ئۆفیسی سەرەکی کەناڵەکەمان و پەخشی کەناڵەکەیان راگرت و پاش ئازاردانێکی زۆری کارمەندێکی خەفەری پەخشی کەناڵ، دەرگای کەناڵەکەیان داخست و هێزێکیشیان لەبەردەم کەناڵەکەدا جێگیر کردووە.