گه‌ڕان

Shadow Shadow
سیاسه‌تی

تاکاتێکى نادیار

دەوام لە سێ زانکۆ ڕاگیرا 

2020.12.11 - 21:49
App store icon Play store icon Play store icon
دەوام لە سێ زانکۆ ڕاگیرا 

ناس کورد-

 

هەرسێ زانکۆی هەڵەبجە و کۆیە و گەرمیان بڕیاریاندا بە راگرتنى دەوام و درێژکردنەوەى پشووەکان تا کاتێکى نادیار.

کەناڵی ناس کورد لە تێلیگرام جۆین بکە   

 

ئەنجومەنی زانکۆی هەڵەبجە لە ئاگادارییەکدا (11ی کانونی یەکەمی 2020) کە وێنەیەکی دەست "ناس کورد" کەوتووە، خوێندکارانی قۆناغی یەکەمی سەرجەم بەشەکان ئاگاداردەکاتەوە کە لە رۆژی یەكشەمەی داهاتوو 13-12-2020 بۆ رۆژی پێنجشەمە 17-12020 2 پشوو دەبێت و خوێندن ڕادەگیرێت.

 

باسی لەوەشکردووە، بۆ خوێندکارانی قۆناغەکانی دیکەی بەش و کۆلێژەکان خوێندن بەردەوام دەبێت بەشێوەی ئۆنلاین و ئەلیکترۆنی.

 

لەلایەکی دیکەوە سەرۆکایەتیی زانکۆی کۆیە لە راگەیەندراوێکدا کە وێنەیەکی دەست "ناس کورد" کەوتووە، بڕیاریداوە بە  ڕاگرتنی خوێندنی بەرایی لە ناو کەمپەس تا کاتێکی نادیارو تا ئەنجومەنى زانکۆ بریای تازەی لە بارەوە دەدات وە خوێندکاران پێش وەخت ئاگادار دەکرێنەوە.

 

ئەوەش باسکراوە، خوێندکارانی قۆناغی بەکالۆریۆس ئاگادار دەکرێنەوەو کە خوێندنی ناو کەمپەس  جارێ راگیراوە  بە شێوەیەکی کاتی، بەڵام خوێندنی باڵا بە هەردوو شێوازی کەمپەس و ئۆنلاین  بەردەوام دەبێت.

 

هاوکات سەرۆکایەتی زانکۆی گەرمیان لە راگەیەنراوێکدا بڕیاریدا رۆژی یەکشەممە (۱۳_۱۲_۲٠۲٠) تا رۆژی پێنجشەممە (۱۷_۱۲_۲٠۲٠) دەوامی ناو کەمپی زانکۆ رابگرێت، بەڵام خوێندنی باڵا ( دبلۆمی باڵا ، ماستەر ، دکتۆرا ) بەردەوام دەبێت .

 

ئاماژەى بەوەشکردووە، هەر بابەتێکی خوێندنی بەرایی (بەکالۆریۆس) کە بە ئۆنلاین دەخوێنرێت ، لەو ماوەیەدا بەردەوام دەبێت، ئەو تاقیکردنەوانەی کە دەکەوێتە ماوەی دیاریکراوی سەرەوە ، دوا دەخرێن بۆ هەفتەی دواتر و بەشەکان ئەرکی دانانەوەی خشتەی تاقیکردنەوەکانیان لە ئەستۆدایە .