کەناڵی ناس کورد لە تێلیگرام جۆین بکە
ناس كورد-شەهرام عەزیز بەرهەم ساڵح سەرۆك كۆماری عێراق لە وەرگرتنی بڕە پارەیەك لە هاووڵاتیانی عەرەب لە بازگەی تاسڵوجەی سلێمانی لە كاتی سەردانیكردنی ئەو شارە، هاتە دەنگ و بڕیاریدا وەرگرتنی ئەو پارەیە رابگیرێت. . چەند رۆژێك لەمەوبەر لە تۆڕە كۆمەڵایەتییەكان چەند هاووڵاتییەكی عەرەب گلەییان لەوە كرد كە لە بازگەی هاتنەناوەوەی شاری سلێمانی لەلایەن هێزە ئەمنییەكانەوە بڕی 10 هەزار دیناری عێراقییان لێوەردەگیرێت و داوایان لە سەرۆك كۆماری عێراق كرد كە لەسەر ئەو بابەتە بێتە دەنگ. . . ناس كورد زانیوویەتی"بەرهەم ساڵح سەرۆك كۆماری عێراق بەدواداچوونی بۆ ئەو پرسە كردووە و وەرگرتنی ئەو بڕە پارەیەی ڕاگرتووە". . بەپێی زانیارییەكانی ناس كورد، سەرۆك كۆماری عێراق فەرمانی كردووە، كە چیتر بەهیچ شێوەیەك لە بازگەكان پارە لە هیچ گەشتیار و هاووڵاتییەكی عەرەب وەرنەگیرێت و سەرپێچیكار سزا دەدرێت. . دوێنێ (پێنجشەممە) ناس كورد بەدواداچوونێكی بۆ ئەو بابەتە كرد و لەزاری ژمارەیەك لە گەشتیاری عەرەب كە بەسەردان هاتبوونە شاری سلێمانی وەرگرتنی ئەو بڕە پارەیە لەو بازگەیە پشتڕاستكرایەوە. .
