گه‌ڕان

Shadow Shadow
سیاسه‌تی

وردەکاریى

ڕونکردنەوە لەسەر گیانلەدەستدانى بریندارێکى خۆپیشاندانەکەى شارۆچکەى عەربەت دەدرێت

2020.12.09 - 22:01
App store icon Play store icon Play store icon
ڕونکردنەوە لەسەر گیانلەدەستدانى بریندارێکى خۆپیشاندانەکەى شارۆچکەى عەربەت دەدرێت

ناس کورد- 

بەڕێوەبەرى ناحیەى عەربەت ڕونکردنەوە لەبارەى هەواڵى گیانلەدەستدانى مێردمنداڵێک دەدات لە خۆپیشاندانەکەى ئەمشەوى ناحیەکە. 

کەناڵی ناس کورد لە تێلیگرام جۆین بکە   

پەیامنێرى "ناس کورد" لەسەر زارى بەڕێوەبەرى ناحیەى عەربەتەوە رایگەیاند، ئەو مێردمنداڵەى کە وا بڵاوکرایەوە کە لە خۆپیشاندانەکەى ناحیەى عەربەت گیانى لەدەستداوە هێشتا لەژیاندا ماوە و بریندارە و لەژێر چارەسەرى پزیشکیدایە.

 

پێشتر پەیامنێرى "ناس کورد" رایگەیاند، ئەمشەو (چوارشەممە، 9ى تشرینى دوەمى 2020) ژمارەیەک خۆپیشاندەر چونەتە بەردەم بارەگاى ناوچەى پارتى لە ناحیەى تانجەرۆ و گرژى دروست بوە.  

  

وتیشى، خۆپیشاندەران لەبەردەم بارەگاى ناوچەى پارتى گردبوونەوە و بەتەقەى پاسەوانەکانى ئەو بارەگایە چوار  خۆپیشاندەر بریندار بوون".   

  

پەیامنێرى "ناس کورد" جەختى کردەوە،  برینى یەکێک لە بریندارەکان سەختە و گەیەنراوەتە نەخۆشخانەى شار لە شارى سلێمانى و لەوێ چارەسەر وەردەگرێت.