گه‌ڕان

Shadow Shadow
چیرۆكه‌كانمان

باخ و خەلەى بەشێک لە جوتیارانى قەرەتەپە و خانەقین سوتاون

قایمقامى خانەقین: زیانەکانى ئاگرەکە هێندە زۆرە مەزەندە ناکرێت

2019.05.17 - 14:21
App store icon Play store icon Play store icon
قایمقامى خانەقین: زیانەکانى ئاگرەکە هێندە زۆرە مەزەندە ناکرێت

کەناڵی ناس کورد لە تێلیگرام جۆین بکە   

ناس كور- فوئاد عەبدوڵا بەهۆى کەوتنەوەى ئاگر لە خانەقین زەوییەکى زۆرى کشتوکاڵى و پوش و پاوەنى ناوچەکە سوتان، قایمقامی قەزاکەش ڕایگەیاند، ڕوبەرێكی فراوانی خەلەی گەنم و جۆى هاوڵاتیانی ناوچەکە سوتاون، بەڵام بەهۆى زۆرى ئەو شوێنانەى سوتاون نازانێرێت زیانەکان چەندن. . محەمەدی مەلا حەسن قایمقامی خانەقین تایبەت بە ناس كورد-ی ڕاگەیاند: "تا ئێستا نازانین هۆكاری ئاگركەوتنەوەكە چییە، بەڵام لێكۆڵینەوەكان بەردەوامن بۆ زانینی هۆكارەکە، قەبارەی ئەو زیانانەی بەهۆى سوتاندنی خەلەی گەنم و جۆى جوتیارانی شارەكەوە كەوتووە، ڕوبەرێکى فراوانی زەوی جوتیارانی شارەكەیە و تا ئێستا نازاندرێت چەندە". . قایمقامى خانەقین ئاماژەى بەوەشکرد، ئاگرەكە خەلە و باخەكانی ناوچەی قەرەتەپە و خانەقینی گرتۆتەوە و دەستبەجێ هێزەكانی ئاگرکوژینەوە و لایەنە پەیوەندیدارەكان گەیشتونەتە شوێنی مەبەست و تواندراوە لە شەودا ئاگرەکە كۆنتڕوڵ بكرێت. . لەلایەكی ترەوە مونا عومەیری پەرلەمانتاری عێراق، كە هاوكات خەڵكی پارێزگای دیالەیە، داوای لە لایەنە پەیوەندیدارەكانی شارەكە و حکومەتى عێراق کردووە، دەستبەجێ دەستبكەن بە لێكۆڵینەوە بۆ زانینی هۆكاری سوتاندنی ئەو ڕوبەرە كشتوكاڵییە فراوانەی پارێزگاكە. . .