گه‌ڕان

Shadow Shadow
سیاسه‌تی

زانیارى زیاتر

یەکگرتوو هەڵوێستى خۆى لەسەر سوتاندنی بارەگاکان راگەیاند

2020.12.08 - 09:56
App store icon Play store icon Play store icon
یەکگرتوو هەڵوێستى خۆى لەسەر سوتاندنی بارەگاکان راگەیاند

ناس کورد-کاروان مەحمود 

 

ئەندامێکی ئەنجومەنی سەرکردایەتی یەکگرتووی ئیسلامیی کوردستان رایگەیاند، سوتاندنی بارەگا خزمەت بە دەسەڵات دەکات و ئامانجەکانی خۆپیشاندەران بەلاڕێدا دەبات.

کەناڵی ناس کورد لە تێلیگرام جۆین بکە   

 

مستەفا عەبدوڵا (8ی کانونی یەکەمی 2020) بە "ناس کورد"ی راگەیاند، یەکگرتووی ئیسلامی کوردستان لەگەڵ خۆپیشاندەران و داواکارییەکانیاندایە، بەڵام سوتاندنی بارەگاى حزبی و حکومی دیاردەیەکی ناشارستانیە.

 

وتیشی "یەکگرتوو هەرگیز بە خۆپیشاندەر ناڵێت گێرە شێوێن، چونکە خۆپیشاندانەکان خۆپیشاندانی خەڵکی برسییە و خەڵک لەدۆخێکی قورسدایە، پیشتریش لە ناو خۆپیشاندانی مامۆستایان و خەڵکی ناڕازی بونمان هەبووە، لەگەڵ ئەوەش پێمان وایە سوتاندنی بارەگا دیاردەیەکی ناشارستانییە".

 

ڕۆژى (2 کانونی یەکەمی 2020) خۆپیشاندان لەدژى دواکەوتنى موچەى فەرمانبەران و خراپى دۆخى دارایی لە سلێمانیەوە دەستیپێکرد و رۆژى (3 کانونی یەکەم) خۆپیشاندانەکە گرژى لێکەوتەوە، کاتێک هێزە ئەمنییەکان هەوڵیاندا رێگرى بکەن لە دەستپێکردنەوەى خۆپیشاندان.  

  

رۆژانى دواتر خۆپیشاندان لەچەند ناوچەیەکى دیکەى سنورى پارێزگاى سلێمانى بەڕێوەچوو، رۆژى (6ى کانونى یەکەمى 2020) خۆپیشاندان لە پیرەمەگرون گرژى لێکەوتەوە و خۆپیشاندەران کۆمیتەى یەکێتى یان سوتاند و هەوڵى سوتاندنى بارەگاى پارتیاندا بەڵام لەلایەن پاسەوان و هێزێکى زۆرەوە دورخرانەوە.  

  

رۆژى (7ی کانونی یەکەمی 2020) ژمارەیەک لە خەڵکانى ناڕازیی لە سەیدساق رژانە سەر شەقام و بارەگا حزبییەکانى پارتى و یەکێتى و گۆڕان و کۆمەڵ و یەکگرتوو، بیناى قایمقامیەت ئاگریان تێبەردرا. 

 

بازنەى خۆپیشاندانەکان (7ی کانونی یەکەمی 2020) فراوانتر بوون و تا درەنگانى شەو بەردەوام بوون، چەندین بارەگاى حزبى و حکومى لە دەربەندیخان، پیرەمەگرون، کفرى سوتێنران.

 

بەپێی ئامارەکان، لەخۆپیشاندانەکاندا تا ئێستا 35 کەس برینداربوون و سێ کەسیش کوژراون.