گه‌ڕان

Shadow Shadow
سیاسه‌تی

دواى پارتى

یەکێتى ڕونکردنەوە لەسەر کوژرانى خۆپیشاندەرەکەى چەمچەماڵ دەدات

2020.12.07 - 22:52
App store icon Play store icon Play store icon
یەکێتى ڕونکردنەوە لەسەر کوژرانى خۆپیشاندەرەکەى چەمچەماڵ دەدات

ناس کورد-

لێپرسراوی مەڵبەندی رێكخستنی یەكێتی لە چەمچەماڵ رەتیدەکاتەوە ئەو خۆپیشاندەرەى لەو شارە کوژرا بەتەقەى پاسەوانانى مەڵبەند پێکرابێت.

کەناڵی ناس کورد لە تێلیگرام جۆین بکە   

 

رێبوار جاف لە لێدوانێکیدا بۆ میدیاکانى یەکێتى کە "ناس کورد" بەدوداچوونى بۆ کردووە وتى "لەخۆپیشاندانەكانی ئەمڕۆی قەزاكەدا هیچ خۆپیشاندەرێك هێرشی نەكردووەتە سەر مەڵبەندو ناوەندەكانی یەكێتی".

 

وتیشى، "ئەوان لەگەڵ تەواوی داواو داخوازییە رەواكانی خۆپیشاندەراندان".

 

ئێوارەى ئەمڕۆ خۆپیشاندان لەچەمچەماڵ بەڕێوەچوو دواتر توندوتیژى لێکەوتەوە و خۆپیشاندەرێک بەناوى ئەدهەم یەحیا کوژراو دوو کەسى دیکەش برینداربوون.  

 

یوسف ئەنوەر، کارگێڕى لقى پارتى لە چەمچەماڵ لە چاوپێکەوتنێکى تەلەفزیۆنیدا لەگەڵ میدیاکانى پارتى کە "ناس کورد" بەدواداچوونى بۆ کردووە رەتیکردەوە کوژرانى ئەو خۆپیشاندەرە پەیوەندى بەئەوانەوە هەبێت.  

  

وتیشى، ئەو کەسە 300 مەتر دوور لە لقى 19 شەهید بووە، بەدواداچوونى زیاتر دەکەن لەو بارەیەوە، چونکە لەنێوان دوو بارەگا پێکراوە.  

  

یوسف ئەنوەر باسى لەوەشکرد، لە دوو ئاڕاستەوە تەقە لە بارەگاى لق کراوە و زیانى مادى بەر بارەگاکە کەوتووە.