گه‌ڕان

Shadow Shadow
سیاسه‌تی

چوونەسەر ماڵی بەدەل بەرواری

هێزێکی پۆلیس چووەسەر ماڵی بەدەل بەرواری و کۆمەڵێک کەلوپەلیان بردن

2020.12.07 - 14:32
App store icon Play store icon Play store icon
هێزێکی پۆلیس چووەسەر ماڵی بەدەل بەرواری و کۆمەڵێک کەلوپەلیان بردن

ناس کورد-

هێزێکی پۆلیس چوونەسەر ماڵی بەدەڵ بەرواری کە ماوەی زیاتر لە چوار مانگە لە زیندانە، کوڕێکی ئەو مامۆستایە دەڵێت، تەنها دایکی و دوو خوشكی منداڵی لە ماڵ بوون و هێزەکە سەرجەم ماڵەکەیان پشکنیوە و مۆبایلەکەی باوکی و چەند فایلێکیان بردووە.

کەناڵی ناس کورد لە تێلیگرام جۆین بکە   

 

ئاری بەدەل بەرواری، کوڕی مامۆستا بەدەل بەرواری (دووشەممە 7ی کانونی یەکەمی 2020) بە "ناس کورد"ی وت، "کاتژمێر 11:30 خولەکی سەرلەبەیانی ئەمڕۆ هێزێکی پۆلیس هاتنەسەر ماڵمان و لەوکاتەدا تەنها دایکم و دوو خوشکی بچوکم لە ماڵەوە بوون و زۆر ترساون."

 

وتیشی، "هێزەکە تەواوی ماڵەکەیان پێشکنیوە و مۆبایلەکەی باوکم و چەند فایلێکی قوتابخانەی باوکمیان بردووە و ڕۆشتوون."

 

کوڕەکەی بەدەل بەرواری ئاماژەی بەوەشکرد، هەموو هەوڵێکی یاساییان داوە بۆ ئازادکردنی باوکی، بەڵام کەس گوێیان لێناگرێت و نازانن چارەنوسی باوکی چی بەسەردێت.

 

مامۆستا بەدەل بەرواری، كە لە پەیوەست بە خۆپیشاندان و ناڕەزایەتییەكانی مانگی ئابی هەرێمی كوردستانەوە، بە تۆمەتی خراپ بەكارهێنانی ئامێرەكانی پەیوەندی، لە دهۆك دەستگیركرابو، لەلایەن دادگای تاوانەكانی ئەو شارەوە لە رۆژی 4/10/2020، بڕیاری ئازادكردنی دراوە، بەڵام تاوەکو ئێستا ئازاد نەکراوە.

 

زیاتر بخوێنەرەوە: بەڵگەنامەیەك: دادگای دهۆك بێتاوانی چالاكوانێكی سەلماندووە بەڵام هێشتا هەر لە گرتووخانەدایە

 

کوڕەکەی بەدەل بەرواری دەڵێت، ئەوکاتەی دادگا بڕیاری ئازادکردنی باوکی دا، بەڵام لە پۆلیس ئازادکرا و ئاسایش دەستگیریکرد، دەشڵیت، "تاوەکو ئێستا یەک جار ڕێگەیان داوە بیبینن." 

 

زیاتر بخوێنەرەوە: کوڕێکی بەدەل بەرواری ناوەڕۆکی تەلەفۆنەکەى باوکی لە زیندانەوە ئاشکرا دەکات