گه‌ڕان

Shadow Shadow
سیاسه‌تی

بەرژەوەندییەکانی ئیسرائیل

هەرێم لەبارەى بوونی هاوڵاتی ئیسرائیلی لە کوردستان ڕوونکردنەوە دەدات

2020.12.05 - 11:36
هەرێم لەبارەى بوونی هاوڵاتی ئیسرائیلی لە کوردستان ڕوونکردنەوە دەدات

ناس کورد-

حکومەتى هەرێم ڕایگەیاند، ئیسرائیل هیچ بەرژەوەندیەکی لە هەرێمی کوردستان نییە و هیچ هاووڵاتییەکی ئیسرائیلیش لە هەرێمی کوردستان نین.

 

جوتیار عادل، وتەبێژی حکومەتى هەرێم لە ڕونکردنەوەیەکدا کە ناس کورد بەدواداچوونی بۆ کردووە (5ی کانونی یەکەمی 2020) دەڵێت، لەم ڕۆژانەدا ئۆفیر گێنلدمان گوتەبێژی سەرۆک وەزیرانی ئیسرائیل بۆ کاروباری میدیای عەرەبی، لە تویتێکدا باسی لەوە کردبوو کە ئەگەری ئەوە هەیە کۆماری ئیسلامی ئێران هێرش بکاتە سەر هاووڵاتیانی ئیسرائیلی لە چەند وڵاتێکی وەک ( جۆرجیا ، ئازەربایجان ، تورکیا ، ئيمارات ، بەحرەین و هەرێمی کوردستان)."

 

دەشڵێت، "بۆ ئاگاداری هەموو لایەک و وەک چەندین جاری تریش ڕامانگەیاندووە ئیسرائیل هیچ بەرژەوەندیەکی لە هەرێمی کوردستان نییە و هیچ هاووڵاتییەکی ئیسرائیلیش لە هەرێمی کوردستان نین."

 

جەخت دەکاتەوە کە "ئەم لێداونە بە هەر مەرامێک درا بێت رەت دەکەینەوە و لە ڕاستییەوە دوورە."

 

وتەبێژى سەرۆک وەزیرانى ئیسرائیل هۆشدارى دەدات لە بەئامانج گرتنى بەرژەوەندییەکانى وڵاتەکەى لەلایەن ئێرانەوە لەچەندین وڵاتى ناوچەکە کە هەرێمى کوردستانیشى تێدایە.  

  

ئەوفیر جندڵمان، وتەبێژى سەرۆک وەزیرانى ئیسرائیل لە تویتێکدا کە "ناس کورد" بەدواداچوونی بۆ کردووە (هەینی 4ى کانونى یەکەمى 2020) ڕایگەیاند، "بەهۆى هەڕەشەکانى ئەمدواییەى ئێران و تێوەگلانى لەچەند کردەوەیەکى تیرۆریستى لە چەند وڵاتێکى جیاوازدا، هەڕەشەکانی ئەو وڵاتە مەترسین بۆسەر وڵاتەکەمان."   

  

ئاماژەى بەوەش کردووە، "بەوهۆیەوە دەستەى بەرەنگاربوونەوەى تیرۆرى ئیسرائیلى هۆشدارى بەئامانج گرتنى بەرژەوەندییەکانى ئیسرائیل لەلایەن ئێرانەوە لەوڵاتانى وەک، جۆرجیا، ئازەربایجان، تورکیا، ئیمارات، بەحرەین، هەرێمى کوردستان و عێراق و چەند وڵاتیکى دیکە دەدات."