گه‌ڕان

Shadow Shadow
سیاسه‌تی

قسە لەسەر نێچیرڤان بارزانی دەکات

پەرلەمانتارێکی پێشووی گۆڕان چەند نهێنییەکی کۆبوونەوەکانی ڕێباز حەملان ئاشکرا دەکات

2020.12.05 - 10:44
پەرلەمانتارێکی پێشووی گۆڕان چەند نهێنییەکی کۆبوونەوەکانی ڕێباز حەملان ئاشکرا دەکات

ناس کورد-

عەبدولڕەحمان عەلی، بڕیاردەری فراکسیۆنى گۆڕان لە خولی چوارەمی پەرلەمانی کوردستان کۆنوسی چەند قسەیەکی ڕێباز حەملان، وەزیری پێشووی دارایی لە کۆبوونەوەکانی جڤاتی نیشتمانی گۆڕان بە ئامادەیی نەوشیروان مستەفا بڵاودەکاتەوە کە باسی لە دۆسیەی نەوت و غاز کردووە.

 


عەبدولڕەحمان عەلی لە فەیسبوکی خۆی نوسینێکی بە ناوی "کاک ڕێباز حەملان، بەری خۆر بە بێژنگ ناگیرێت!" بڵاوکردووەتەوە کە ناس کورد بەدواداچوونی بۆ کردووە (5ی کانونی یەکەمی 2020) دەڵێت، "گێڕانەوەی ڕوداوەکانی ڕابردوو وەک خۆی ئاکاروبەهایەکی جوانە بەتایبەت کاتێ کە چەند ناوێک دەهێنرێت کە لە ژیاندا نەمابن لە دۆسیەیەکی ئاڵۆزی وەک نەوت وغازدا."

 


دەشڵێت، "بۆیە تەنها پێمباشبوو هەندێکی کەم لەنمونەی قسەکانی خۆت وەبیر بهێنمەوە لەسەر دۆسیەی نەوت وغاز ، چونکە لەدیدارێکتدا باس لەوەدەکەیت کە خوالێخۆشبوان کاک نەوشیروان وکاک قادری حاجی عەلی ئاگاداری دۆسیەی نەوت و ڕێککەوتنی پەنجاساڵەن، و لەلایەن د.ئاشتی هەورامیەوە وردەکارییەکەیان بۆشیکراوەتەوە."

 

دەقی بڵاوکراوەکەی عەبدولڕەحمان عەلی:

کاک ڕێباز حەملان ؛ بەری خۆربەبێژنگ ناگیرێت !
گێڕانەوەی ڕوداوەکانی ڕابردوو وەک خۆی ئاکاروبەهایەکی جوانە بەتایبەت کاتێ کەچەندناوێک دەهێنرێت ،کەلەژیاندا نەمابن لەدۆسیەیەکی ئاڵۆزی وەک نەوت وغازدا .


لەچەندکۆبونەوەیەکدا کەکۆنوسەکانیم لای خۆم پاراستوە بەناوو واژۆی ئامادەبوانی کۆبونەوەکان بەپەرلەمانتارانی خولی چوارو وەزیرەکان ،و نوێنەروبەرپرسی چەند ژورو ئۆرگانێکی بزوتنەوەی گۆڕان بەناوو واژۆی بەڕێزیشتانەوە، بۆیە تەنها پێمباشبوو هەندێکی کەم لەنمونەی قسەکانی خۆت وەبیر بهێنمەوە لەسەر دۆسیەی نەوت وغاز ، چونکە لەدیدارێکتدا باس لەوەدەکەیت کەخوالێخۆشبوان کاک نەوشیروان وکاک قادری حاجی عەلی ئاگاداری دۆسیەی نەوت وڕێککەوتنی پەنجاساڵەن ،ولەلایەن د.ئاشتی هەورامیەوە وردەکارییەکەیان بۆشیکراوەتەوە .


جارێ پێویستە ئەوڕاستیەبزانرێت کەکاک نەوشیروان بەمەرجی شەفافیەت لەپڕۆسەی دەرهێنان وفرۆشتنی نەوت ،وخەرجکردنی داهاتەکەی لەپێناوخۆشگوزەرانی هاوڵاتیاندا لەگەڵ فرۆشتنیدابوە ، دواتریش باش دەرکەوت کەچەندەناشەفافەو لەجیاتی ڕەحمەتیش بۆهاوڵاتیان بووبە میحنەت وزەحمەت .


من لێرەدا تەنها هەندێ لەنمونەی قسەکانی خۆت وەک خۆیی وبێ زیادوکەم دەهێنمەوەبیرت کەلەچەندکۆبونەوەیەکدا کردنت گەرنا پێویستە بەوردی وەڵامت بدرێتەوە ، تۆ وتت :


ـــ لەکۆبونەوەم لەگەڵ کاک نێچیرڤان بەڕوونی وتومە کەلەمەودوا هیچ کۆنوسێکی ئەنجومەنی نەوت وگاز واژۆ ناکەم ،وتائێستاش خۆمان پاراستوە لەبەرناسکی زروفەکە،بۆیەلەمەودوا بەوشێوەیەقبوڵی ناکەین.( کۆبونەوەی ٨-١١-٢٠١٤ هۆڵی جڤات لەسلێمانی)


ـــ داهاتی فەرمی نەوت ئەوەی بەبۆری دەفرۆشرێت دێتەوەسەرداهاتی هەرێم ،وەتەنها د.ئاشتی هەورامی واژۆی کردوەو من واژۆم لەسەر هیچ شتێ نەکردوە .( کۆبونەوەی ٨-١١-٢٠١٤ سلێمانی )


ـــ من واژۆی شەش نوسراووڕاپۆرتم نەکردوە کەتایبەت بوەبەنەوت وغاز چونکە وتومە من شارەزای بواری نەوت وغازنیم ، ئەوەشت وت کەتاڕۆژێ درەنگتر یاسای سندوقی داهاتەکانی نەوت وغاز پەسەندبکرێت پارتی قازانجی لێدەکات .( کۆبونەوەی ١٥/١٦ی ١ی ٢٠١٥ هەولێر)


ـــ تائێستا ڕێگانەدراوە بەچاودێری دارایی کەبچێتە وەزارەتی سامانەسروشتیەکان .(کۆبونەوەی ١٥/١٦/١/٢٠١٥ هەولێر)


باشە کەگۆڕان وکاک نەوشیروان ئاگاداری دۆسیەی نەوت وڕێککەوتنی پەنجاساڵەبوون خێربوو تۆ واژۆت لەسەر شەش نوسراووڕاپۆرت نەکرد،و بەکاک نێچیرڤانیشت وتبوو هیچ کۆنوسێکی ئەنجومەنی هەرێمی بۆنەوت وغار واژۆناکەم ،ولەمەودواش بەوشێوەیەقبوڵی ناکەین .


ئاخەر چ لۆژیکێکە وەزیرێکی گۆڕان کەڕێکخەرەکەی ئاگاداری دۆسیەی نەوت وغازبێت ،بەڵام واژۆی هیچ کۆنوس وڕاپۆرتێکی ئەنجومەنێک نەکات کەئەندام بێت تێیدا ، یاخود ئاگادارکراویت لەلایەن گۆڕان وڕێکخەرەکەیەوە کەبەهۆی ناشەفافی وئاڵۆزی دۆسیەکە هیچ کۆنوسێک واژۆنەکەیت .


خوازیارم کەڕوداوەکان بەئەمانەتەوەو وەک خۆی بگێڕدرێتەوە نەک بە پێچەوانەوەوڕاستیەکان بشێوێنرێت .
ــــ عەبدولڕەحمان عەلی ڕەزا ..... بڕیاردەری فراکسیۆنی گۆڕان لەخولی چواری پەرلەمانی کوردستان ٤-١٢-٢٠٢٠.