گه‌ڕان

Shadow Shadow
سیاسه‌تی

پێدانی ڤاکسینی کۆرۆنا دەستیپێکرد

سبەینێ بێبەرامبەر کوتانی هاووڵاتیانی شارێک بە ڤاکسینی کۆرۆنا دەستپێدەکات

2020.12.04 - 19:52
App store icon Play store icon Play store icon
سبەینێ بێبەرامبەر کوتانی هاووڵاتیانی شارێک بە ڤاکسینی کۆرۆنا دەستپێدەکات

ناس کورد- 

شارەوانى مۆسکۆ دەستى بە نانوسینی هاووڵاتیان کرد بەمەبەستى پێدانى ڤاکسینى کۆرۆنا بەدانیشتوانى شارەکە و ڤاکسینەکەش بێ بەرامبەر دەبێت و لەڕۆژى شەممەوە کوتان دەستپێدەکات.

کەناڵی ناس کورد لە تێلیگرام جۆین بکە   

 

ئاژانسى هەواڵى ڕۆیتەرز بڵاویکردەوە،  شارەوانى مۆسکۆى پایتەختى ڕووسیا (هەینی 4ى کانوونى یەکەمى 2020) لەڕێگەى ئینتەرنێتەوە دەستى کردووە بە ناونوسین و دیاریکردنى کاتى نۆرەگرتن بەمەبەستى پێدانى ڤاکسینى دژە کۆرۆنا بۆ ئەوەى ڕۆژى شەممە بۆ ئەو کەسانەی ناو دەنوسن بەکاربهێنرێت و بکوترێن. 

 

بەپێى هەواڵەکە کە ناس کورد بەدواداچوونى بۆ کردووە، گرتنەبەرى ئەو ڕێوشوێنانە لەدواى دوو ڕۆژ بەسەر داواکارییەکەى ڤیلادیمیر پۆتندا دێت کە بەمەبەستى پێدانى ڤاکسینى دژە کورۆناى ڕووسى بەهاووڵاتیان  بەشێوەیەکى بەربلاو خستیەڕوو.

 

ڤاکسینى سپۆتینگ ڤى ڕووسى یەکێکە لەو ڤاکسینانەى ڕووسیا کە لەلایەن دەزگاى نیشتیمانیى ڕووسیاوە بێ تەواوکردنى تاقیکردنەوە کلینیکیەکانى لەچەند هەفتەى ڕابردوودا ڕەزامەندى پێدرا و ئەوەش کاردانەوەى جیهانى لێکەوتەوە بەوەى ڕووسیا پرسى سیاسى پیش پرسى تەندروستى خستووە.

 

بەپێى وتەى بەرهەمهێنەرانى ئەو ڤاکسینە، سپۆتینگ ڤى بەڕێژەى 92% بۆ بەرەنگاربوونەوەى ڤایرۆسى کۆرۆنا کاریگەرى هەیە.

 

لاى خۆشیەوە سەرۆکى شارەوانى مۆسکۆ ڕایگەیاند، دانیشتووانى شارەکەیان دەتوانن ناوى خۆیان تۆمار بکەن بۆ ئەوەى بێ بەرامبەر ڤاکسینەکەیان بۆ بکوترێت و لە 70 شوێنى شارەکەشدا ئەو ڤاکسینە بۆ خەڵکى دەکوترێت و لەڕۆژى شەممەشەوە دەستپێدەکات.