گه‌ڕان

Shadow Shadow
سیاسه‌تی

ڤاکسینەکان بارودۆخەکە دەگۆڕن

تەندروستیى جیهانى: ئەگەرى هەیە ڤاکسینەکان بارودۆخەکە بگۆڕن

2020.12.03 - 18:41
App store icon Play store icon Play store icon
تەندروستیى جیهانى: ئەگەرى هەیە ڤاکسینەکان بارودۆخەکە بگۆڕن

ناس کورد- 

ڕێکخراوى تەندروستیى جیهانى جەختلەوەدەکاتەوە، گەشبینن بە سەرکەوتوویى ڤاکسینەکانى تایبەت بە ڤایرۆسى کۆرۆنا و ئەگەرى هەیە یاساکانى بارودۆخەکە بگۆڕن.

کەناڵی ناس کورد لە تێلیگرام جۆین بکە   

 

هانز کلوج، بەڕێوەبەرى هەرێمیى ڕێکخراوى تەندروستیى جیهانى (پێنجشەممە 3ى تشرینى دووەمى 2020) لە لێدوانێکى ڕۆژنامەوانیدا باسى لەوەکردووە، گەشبینن بە سەرکەوتوویى ڤاکسینەکانى کۆرۆنا، هیواکان گەورەن و ئەگەرى هەیە ئەو ڤاکسینانە یاساکانى بارودۆخەکە بگۆڕن.

 

هێماى بۆ ئەوەشکردووە، تواناى دابینکردنى ڤاکسینەکە لە قۆناغەکانى سەرەتادا زۆر سنوردارە، پێویستە دەوڵەتان خۆیان بڕیار بدەن کێ شایستەى ئەوەیە ڤاکسینەکە وەرگرێت.

 

لە ئێستادا چەند ڤاکسینێک ئامادەن و چەند ڤاکسینێکى تریش لە کۆتا قۆناغەکانى تاقیکردنەوەدان، جیهانیش هیوایەکى گەورەى لەسەر ئەو ڤاکسینانە هەڵچنیوە بۆ کۆتایى هێنان بە پەتاى کۆرۆنا کە ماوەى ساڵێکە تەنگى بە جیهان هەڵچنیوە.