گه‌ڕان

Shadow Shadow
سیاسه‌تی

48 کەسیان تۆمەتبارن بە بەزیادەڕۆییکردن بۆسەر موڵک و ماڵى گشتى

سلێمانى؛ لە ماوەى یەک هەفتەدا 57 تۆمەتبار دەستگیر کراون

2019.05.16 - 11:14
سلێمانى؛ لە ماوەى یەک هەفتەدا 57 تۆمەتبار دەستگیر کراون
ناس کورد- بەڕێوەبەرایەتی پۆلیسی پارێزگای سلێمانی ڕایگەیاند، هێزەكانی بنكەی پۆلیسی ڕاپەڕین لە ماوەی هەفتەی ڕابردوودا، 57 تۆمەتباریان دەستگیر كردووە، كە بەشێكی زۆریان تۆمەتبارن بە زیادەڕۆیی بۆ سەر موڵك و ماڵی گشتی. . لە ڕاگەیەندراوێکدا پۆلیسى سلێمانى ئەوەشى ڕاگەیاندووە: "لەماوەی هەفتەی ڕابردوودا هێزەكانی بنكەی پۆلیسی ڕاپەڕین 57 تۆمەتباریان دەستگیر كردووە، کە دوو تۆمەتباریان بەپێی ماددەی 21ی چەك سزا دراون و تۆمەتبارێكیش بەپێی ماددەی 456 لە یاسای سزادانی عیراقی سزا دراوە كە هەستاوە بە فێڵكردن لە هاوڵاتیان". . پۆلیسى سلێمانى ئەوەشى ئاشکرا کردووە، 48 تۆمەتبار دەستگیركراون بە پێی ماددەی 548 لە یاسای سزادان، كە هەستاون بە زیادەڕۆیی كردنە سەر موڵك و ماڵی گشتى، هەروەها دەستگیرکردنى شەش تۆمەتبارى دیکە ڕاگەیەندراوە کە بە چەند یاساییەکى سزادانى عێراقى سزا دراون. . لەبارەى زیادەڕۆییکردنەوە پۆلیسى سلێمانى دەڵێت، هەڵمەتی هێزەكانی پۆلیس بەردەوام دەبێت هەر كەسێك زیادەڕۆیی بكاتە سەر موڵك و ماڵی گشتی دەستگیر دەكرێت و ڕوبەڕوی یاسا دەكرێتەوە. . .