گه‌ڕان

Shadow Shadow
سیاسه‌تی

مەرجەکان بخوێنەوە

عێراق قەرزی 50 ملیۆنی بە فەرمانبەران و 30 ملیۆنیش بە هاوڵاتیان دەدات

2020.12.02 - 11:44
عێراق قەرزی 50 ملیۆنی بە فەرمانبەران و 30 ملیۆنیش بە هاوڵاتیان دەدات

ناس کورد-

بانکى ڕافیدەینى عێراق ڕایدەگەیەنێت، بانکەکەیان بەپێى ڕێنماى نوێ ئامادەیە بە پێدانی قەرز بە فەرمانبەران و هاوڵاتیان بۆ نۆژەنکردنەوە و دروستکردنى یەکەى نیشتەجێبوون.

 

لە ڕاگەیەنراوێکدا کە کۆپیەکى بە دەستى ناس کورد گەیشتووە، نوسینگەى ڕاگەیاندنى بانکى ڕافیدەین (2ى کانوونى یەکەمى 2020) ڕایگەیاندووە، پێدانى قەرزى 50 ملیۆن دیناری بە فەرمانبەران و 30 ملیۆن دیناریش بە هاوڵاتیان بەمەبەستى نۆژەنکردنەوە و دروستکردنى یەکەى نیشتەجێبوون بەپێى شوێنى جوگرافى دەبێت.



ئاماژە بۆ ئەوەش کراوە، ڕێژەى سووى قەرزەکە دەگاتە 5% و داواش لە هاوڵاتیان و فەرمانبەران دەکات سەردانى لقەکانى بانکەکە بکەن بۆ وەرگرتنى زانیارى نوێ کە بانکەکە دایناوە بەمەبەستى پێدانى قەرزەکان.

 

بانکى ڕافیدەین بڕیارێکى بەسەر لقەکانى بانکەکەدا گشتاندووە بۆ کارئاسانیکردن لەڕاییکردنى مامەڵەى هاوڵاتیان و فەرمانبەران بۆ دەستخستنى قەرزەکە.