گه‌ڕان

Shadow Shadow
سیاسه‌تی

دەرهێنانی پیاوێکی 300 کیلۆیی

تیمێکی 50 کەسی هەوڵی دەرهێنانى پیاوێکى 300 کیلۆیى لە ماڵەکەى دەدەن

2020.12.01 - 22:33
تیمێکی 50 کەسی هەوڵی دەرهێنانى پیاوێکى 300 کیلۆیى لە ماڵەکەى دەدەن

ناس کورد- 

بەهۆى زۆرى کێشى پیاوێکى فەرەنسییەوە کە 300 کیلۆ دەبێت، تیمێکى تایبەت پێکهێنراوە بۆ دەرهێنانى لە ماڵەکەیدا و سەرەڕاى مەترسیدارى پرۆسەکە 50 کەس بەشدارى تێدا دەکەن.

 

ئاژانسى فرانس پرێس بڵاویکردووەتەوە، تیمێکى 50 کەسى کە پیاوانى پۆلیس و فریاکەوتن و بەرگریى شارستانى و تیمى پزیشکى تێدایە پێکهێنراوە بۆ دەرهێنانى "ئالان بانابییر" لە ماڵەکەیدا کە لە شارى "بربینیان"ە لە باشور خۆرئاواى فەرەنسا.

 

ڕونیشکراوەتەوە ئەو پیاوە کێشى 300 کیلۆیە و چەندین ساڵە لەو ماڵەدایە، پرۆسەکە مەترسى زۆرە لەبەر ئەوەى ناتوانرێت لە دەرگاى ماڵەکەوە بهێنرێتە دەرەوە پێویست دەکات بەشێکى سەقفى خانووەکەى بۆ بڕوخێنن.

 

باس لەوەشکراوە، دواتر لەناو ژوورێکى گەڕۆک بەرز دەکرێتەوە و لە دەرەوەش ئۆتۆمبێلى فریاکەوتن چاوەڕێى دەکات، دواتر دەبرێتە نەخۆشخانەى شارى مونبیلییە لە باشورى فەرەنسا و پشکنینى تەواو بۆ زانینى بارودۆخى تەندروستى دەکرێت.

 

بەپێى زانیاریەکانى ئاژانسەکە، ئالان دواى چەند هەفتەیەک لە پشکنین و چارەسەرى پێویست دەگوازرێتەوە بۆ ناوەندى ڕاهێنان، لەئێستاشدا لە ماڵەکەیدا لەسەر زەوى دادەنیشێت و دەخەوێت کە شوێنێکى گونجاو نییە بۆى.