گه‌ڕان

Shadow Shadow
سیاسه‌تی

بەهۆی وێنەی نەشیاو دەستگیرکران

کچە مۆدێلە میسرییەکە و وێنەگرەکەی بە کەفالەت ئازادکران

2020.12.01 - 21:58
App store icon Play store icon Play store icon
کچە مۆدێلە میسرییەکە و وێنەگرەکەی بە کەفالەت ئازادکران

ناس کورد- 

دوای ئەوەی دەسەڵاتدارانى میسر ئەو کچە مۆدێل و سەماکارەیان دەستگیر کرد کە بە جل و بەرگى ناشایستەی سەردەمى فیرعەونەکانەوە لە یەکێک لە شوێنەوارەکانى ئەو وڵاتە وێنەى گرتبوو، ئەمڕۆ بە کەفالەتی 32 دۆلار ئازادکرا.

کەناڵی ناس کورد لە تێلیگرام جۆین بکە   

 

سەرچاوەکانى هەواڵى میسر لەزارى بەرپرسێکى ئەمنییەوە بڵاویانکردووەتەوە، سەلما شیمى، نمایشکارى جلوبەرگ و وێنەگرەکەی دەستگیر کراون، ئەوەش بەهۆى ئەو وێنانەى ئەو کچە سەماکارە بە جل و بەرگى نەشیاوى سەردەمى فیرعەونەکانەوە لە یەکێک لە شوێنەوارەکانى ئەو وڵاتە گرتبووی.

 

ئەو بەرپرسە ئەمنییە باسى لەوەشکردووە، سەلما و وێنەگرەکەى بە کەفالەتى 500 جونەیى (32 دۆلار) بۆ هەریەکەیان ئازاد کراون.

 

هەفتەى پێشوو سەلما شیمى ژمارەیەک وێنەى نیمچە ڕووتى لە تۆڕە کۆمەڵایەتیەکان بڵاوکردەوە و ئەوەش هەرایەکى گەورەى لەو تۆڕانە دروستکرد و بە سوکایەتیکردن بە شارستانى سەردەمى فیرعەونەکان تۆمەتباریان کرد و بەوەی مەرجەکانى وەزارەتى گەشتوگوزار و شوێنەوارى پێشێلکردوە، سەرەڕاى ئەوەش ژمارەیەک بەکارهێنەرى ئەو تۆڕانە بەرگریان لێکردوە.