گه‌ڕان

Shadow Shadow
سیاسه‌تی

20 تیرۆریست دەستگیرکران

هەسەدە ئۆپراسیۆنێکی فراوانی دژ بە داعش دەستپێکرد

2019.05.16 - 09:14
هەسەدە ئۆپراسیۆنێکی فراوانی دژ بە داعش دەستپێکرد
ناس کورد- هەسەدە ئاشکرایکرد ئۆپەراسیۆنێکیان دژ بەو "تیرۆرستانە" دەستپێکردووە کە پەیوەندیان بە ڕێکخراوی داعشەوە هەیە، لە شارۆچکەیەکی ستراتیجی لە پارێزگای "دێرزۆر" لە ڕۆژهەڵاتی سوریا. . هێزەکانی سوریای دیموکرات "هەسەدە" لە بەیاننامەیەکدا ئاماژەیان بەوە کردووە، لە ئۆپراسیۆنێکی ئەمنیدا لە شارۆچکەی "شحیل" لە بەشی ڕۆژئاوای ڕوباری فورات تا ئێستا 20 لەو "تیرۆرست"انەیان دەستگیرکردووە کە پەیوەندیان بە داعشەوە هەیە، هەروەها دەستیان بەسەر چەندین چەکدا گرتوە، لەگەڵ کۆنتڕۆڵکردنى ناوچە بیابانییەکانی ئەو شارۆچکەیە. . هەسەدە ئەوەشى ڕاگەیاندووە: "لە ڕۆژی چوارشەممە 15ی ئایاری 2019وە، هێزەکانمان ئۆپراسۆنەکەیان دەستپێکردووە و چەندین حەشارگە و خەندەقیان ئاشکرا کردووە، کە تیرۆرستەکان بەکاریان هێنابوو بۆ ئەنجامدانی هێرشەکان، لەگەڵ چەندین چەک و تەقەمەنی". . لاى خۆیەوە مستەفا بالی، وتەبێژی هەسەدە بە ئاژانسی ڕۆیتەرزى ڕاگەیاندووە: "ئۆپراسیۆنەکەمان شانەیەکی گرنگی چەکدارانی داعشی کردە ئامانج، ئۆپراسیۆنەکە زۆر بەوردی و شارەزایی ئەنجامدرا و ئەو ئامانجەی دەمانویست پێکامان". . .