گه‌ڕان

Shadow Shadow
سیاسه‌تی

خوێندنی ئەمساڵ دواخرا بۆ ساڵی داهاتوو

2020.12.01 - 16:53
App store icon Play store icon Play store icon
خوێندنی ئەمساڵ دواخرا بۆ ساڵی داهاتوو

ناس کورد-

لیژنەى باڵای ڕووبەڕووبوونەوەى کۆرۆنا لە هەرێمی کوردستان بریاری دا بە دواخستنی خوێندنی ئەمساڵ تاوەکو 7ی کانونی دووەمی ساڵی 2021.

کەناڵی ناس کورد لە تێلیگرام جۆین بکە   

 

ئەمڕۆ سێشەممە، 1ی کانونی یەکەمی 2020، لیژنەی باڵای ڕووبەڕووبوونەوەی کۆرۆنا کۆبووەوە و بڕیاریدا دەستپێکردنەوەی خوێندن لەنێو قوتابخانەکان تاوەکو 7ـی کانوونی دووەم ڕابگیرێت و خوێندنی زانکۆ و پەیمانگەکانیش بە شێوەی ئاوێتە بەردەوام دەبێت.

 

جووتیار عادل، وتەبێژی حکومەتی هەرێمی کوردستان ڕایگەیاند، ڕۆژی 7ی کانونی دووەمی ساڵی داهاتوو جارێکی تر لیژنەکە کۆدەبێتەوە بۆ هەڵسەنگاندنی دۆخی تەندروستی تاوەکو بڕیار لەبارەی دەستپێکردنەوەی خوێندن بدەن.

 

دەشڵێت، دەوامکردنی زانکۆ و پەیمانگەکان بە جێبەجێکردنی رێکارە تەندروستییەکان دەبێت.

 

پێشتر موسلیم عەبدوڵا، جێگری سەرۆکی لیژنەى پەروەردە لە پەرلەمانی کوردستان بە ناس کوردی ڕاگەیاند، لەسەر پێشنیازی لیژنەکە و وەزارەتی تەندروستی خوێندنی ئەمساڵ دوادەخرێت بۆ سەرەتای ساڵی داهاتوو.

 

موسلیم عەبدوڵڵا، جێگری سەرۆکی لیژنەی پەروەردە و خوێندنی باڵا لە پەرلەمانی کوردستان (29ی تشرنی دووەمی 2020) بە "ناس کورد"ی راگەیاند، وەکو لیژنەی پەروەدە پێشتر پێشنیازی دواخستنی پرۆسەی خوێندنمان کردووەو وەزارەتی تەندروستیش داوای دواخستنی خوێندنی کردووە.

 

باسی لەوەشکرد، پرۆسەی خوێندن دوادەخرێت بۆ سەرەتای ساڵی داهاتوو هەوڵەکەش بۆ بەرگرتنە لە مەترسی پەتای کۆرۆنا و رۆژی سێشەممەش بڕیاری کۆتایی لەوبارەیەوە دەدرێت.