گه‌ڕان

Shadow Shadow
سیاسه‌تی

’’گوزارشت لە نوسەرەکەی ئەکات’’

یوسف محەمەد: بەیاننامەکەى گۆڕان لەژێر فشارى پارتیدا دەرکراوە

2020.11.30 - 22:39
App store icon Play store icon Play store icon
یوسف محەمەد: بەیاننامەکەى گۆڕان لەژێر فشارى پارتیدا دەرکراوە

ناس کورد-

یوسف محەمەد رایگەیاند، بەیاننامەکەى گۆڕان لەژێر فشارى پارتیدا دەرکراوە، کە تێیدا بزوتنەوەکە خۆى بێبەریکرد لە هەڵوێستى پەرلەمانتار و بەرپرسەکانى.

کەناڵی ناس کورد لە تێلیگرام جۆین بکە   

 

یوسف محەمەد سەرۆکى فراکسیۆنى گۆڕان لە پەرلەمانى عێراق لە لاپەڕەى خۆى لە فەیسبوک  (30ی تشرینی دووەمی 2020) کە "ناس کورد" بینیویەتى نوسیویەتى "کەمترین ئەرکمان ئەمڕۆ پشتیوانی و دەستخۆشییە بۆ ئەو پەرلەمانتارانەی کوردستان کە بە تەپڵ کوتین و هاوار کردن و پێداگرییان بۆ باس کردنی کێشەی ژیانی خەڵکی هەژار و بە گواستنەوەی وێنەی ناڕەزایەتییەکانیان «سێلفی گرتن!»، زیندویەتییان گەڕاندەوە ناو هۆڵی پەرلەمان".

 

هەروەها هیواى خواستووە پەرلەمانتاران لەسەر ئەو رێچکەیە بەردەوام بن، "تەنانەت گوێ بەو بەیاننامانەش نەدەن کە هەندێ بەرپرسی حیزبی لەژێر فشاری پارتی دەریدەکەن وەک ئەو بەیاننامەیەی ئەمشەو بەناوی گۆڕانەوە دەرکراوە و تەنها تەعبیر لە نوسەرەکەی ئەکات نەک جەماوەری گۆڕان کە پەرلەمانتارانی نوێنەرایەتیی دەکەن".

 

زياتر بخوێنەوە: هەڵوێستێکى پێچەوانە لەناو خانەی ڕاپەڕاندنی گۆڕانەوە

 

یوسف محەمەد جەختیکردووەتەوە، ئەرکی دەسەڵاتە بچێتە بەردەم پەرلەمان و، ئەوەی ناوی لێنراوە «رێکەوتنی پەنجا ساڵە» لەگەڵ تورکیا بۆ پەرلەمانتاران و خەڵک ئاشکرا بکات "ئەم داروپەردوە ڕزیوە گەر وا بەردەوام بێ، ڕۆژێک دادێ پێش هەر کەسێک بەسەر دەسەڵاتدارانی بێباکی هەرێم دا دادەڕوخێ".

 

ئەوە لەکاتێکدایە بزوتنەوەى گۆڕان لە راگەیەنراوێکدا خۆى بێبەریکردووە لە هەڵوێستى پەرلەمانتاران و بەرپرسانى لەحکومەت و جەختیکردووەتەوە، هه‌موو لێدوان و ده‌ربڕینێكی سیاسیی كه‌ لەلایه‌ن به‌رپرسانی حیزبی و حكومی و په‌رله‌مانتارانه‌وه‌ بۆ میدیاكان ده‌درێت، گوزارشت له‌ ڕای فه‌رمی بزوتنه‌وه‌ی گۆڕان ناكات.