گه‌ڕان

Shadow Shadow
سیاسه‌تی

پێشبینییەکی مژدەبەخش

بانکێکی ئەمریکی: نرخی نەوتی برێنت دەگاتە 65 دۆلار

2020.11.30 - 22:35
App store icon Play store icon Play store icon
بانکێکی ئەمریکی: نرخی نەوتی برێنت دەگاتە 65 دۆلار

ناس کورد-

بانکی "گۆڵدمان ساكس"ی ئەمەریکی ڕایگەیاند، ساڵی داهاتوو نرخی بەرمیلێک نەوتی برینێت بەرزدەبێتەوە بۆ 65 دۆلار چونکە "پێشکەوتنەکانی تایبەت بە دۆزینەوەى ڤاکسینی کۆرۆنا ڕۆڵی بەرچاوی هەیە."

کەناڵی ناس کورد لە تێلیگرام جۆین بکە   

 

بە گوێڕەی پێشبینییەکانی ئەو بانکە ئەمەریکییە کە "ناس کورد" بەدواداچوونی بۆ کردووە (30ی تشرینی دووەمی 2020) ئاماژە بەوەکراوە، "دۆزینەوەی ڤاکسینی  دژ بە ڤایرۆسی  کۆرۆنا و زیادبوونی خواست لەسەر نەوت کاریگەری دەبێت لەسەر نرخەکەی، پێشبینی دەکرێت ساڵی داهاتوو نرخی بەرمیلێک نەوتی برێنت بەرزبێتەوە بۆ 65 دۆلار".

 

بەهۆی بڵاوبوونەوەی ڤایرۆسی کۆرۆنا و داخستنی گشتی لە ئەوروپا، خواست لەسەر نەوت بۆ نزیکەی سێ ملیۆن بەرمیل ڕۆژانە کەمیکردوە، ئەوەش کاریگەری نەرێنی دەبێت لەسەر بڕیارەکەی ڕێکخراوی ( ئۆپێک پڵەس) کە بەنیازە لە مانگی کانوونی یەکەمی داهاتوودا ڕێژەی بەرهەمهێنانی نەوت زیاد بکات.

 

هاوکات وەزیری نەوتی عێراق پێشبینی دەکات لە سەرەتای ساڵی داهاتوودا نرخی نەوت زیاتر بەرزبێتەوە و جەخت دەکاتەوە کە بڕیارەکەى ئۆپێک پڵەس بۆ کەمکردنەوەى بڕی بەرهەمهێنان کاریگەری ئەرێنی هەبووە لە بوژانەوەى بازاڕ.  

  

ئیحسان عەبدولجەبار لە لێدوانێکیدا بۆ ڕۆژنامەی سەباحی فەرمی کە "ناس کورد" بەدواداچوونی بۆ کردووە (29ی تشرینی دووەمی 2020) دەڵێت، "لە سەرەتای ساڵی 2021دا نرخی نەوت دەچێتە سەرو 50 دۆلار بۆ هەر بەرمیلێک، ئەوەش بەهۆی بوونی ئاماژەى باش لە بوژانەوەى بازاڕی جیهانی لەدوای بڵاوبوونەوەى پەتای کۆرۆنا."  

  

جەختی دەکاتەوە کە "عێراق سورە لەسەر فرۆشتنی پێشوەختەى نزیکەى 48 ملیۆن بەرمیل نەوت لە بازاڕەکانی جیهاندا."  

  

وەزیری نەوتی عێراق ئاماژەى بەوەشکرد کە "ڕێککەوتنی کەمکردنەوەى بڕی بەرهەمهێنان کە ڕێکخراوی وڵاتانی بەرهەمهێنی نەوت (ئۆپێک پڵەس) بڕیاری لێدرا کاریگەری ئەرێنی هەبووە و ئامانجەکانی پێکاوە بۆ گەڕاندنەوەى سەقامگیری و هاوسەنگی بۆ بازاڕی نەوت."  

  

دەشڵێت، "ئەنجامی بڕیارەکە ئەرێنی و کاریگەرە سەرباری بەردەوامی تارمایی پەتای کۆرۆنا بەسەر ئابوری و پیشەسازی وڵاتانی بەرهەمهێن."  

  

ئیحسان عەبدولجەبار ڕەتیشی کردەوە کە داوایان لە ئۆپێک پڵەس کردبێت هەڵاوێردە بۆ عێراق بکەن لە بڕیارەکە و دەڵێت، "سوربوونی وڵاتانی ئەندامی ئۆپێک لەسەر بڕیارەکە زیاتر کاریگەری دەبێت لەسەر بەرزکردنەوەى نرخەکەی."