گه‌ڕان

Shadow Shadow
سیاسه‌تی

هۆشدارییەک لە پارتییەوە

سەرکردایەتی پارتی بۆ یەکێتی و گۆڕان: مانەوە بەو جۆرە کارێکی قورسە

2020.11.30 - 20:33
App store icon Play store icon Play store icon
سەرکردایەتی پارتی بۆ یەکێتی و گۆڕان: مانەوە بەو جۆرە کارێکی قورسە

ناس کورد-

بەرپرسى ئەنجومەنى سەرکردایەتى پارتى لە هەولێر رایگەیاند، ناکرێت یەکێتى و گۆڕان پێیەکیان لە ئۆپۆزسیۆن و پێیەکیشیان لە حکومەت بێت و مانەوە بەو جۆرە کارێکى قورسە.

کەناڵی ناس کورد لە تێلیگرام جۆین بکە   

 

کاکەمین نەجار لە چاوپێکەوتنێکى تەلەفزیۆنیدا لەگەڵ تەلەفزیۆنى فەرمى پارتى (30ی تشرینی دووەمی 2020) کە "ناس کورد" بینیویەتى رایگەیاند "دۆخەکە بەم هات و هاوارەى ناو پەرلەمان چارەسەر نابێت، دەبێت پێکەوە بەرپرسیارێتى هەڵبگرین نەک لەلایەک ئۆپۆزسیۆن بیت لەلایەن لە حکومەتدا بیت".

 

باسى لەوەشکرد، ناکرێت لەلایەک وەزیرى داراییت هەبێت لەلایەکى دیکەش هات و هاوار بکەیت "ئێوە لەبەرەى گەلن ئەى ئێمە لەبەرەى کێن، زۆرینەى کورسییەکان هى ئەمەیە کەخەڵک دەنگى پێداوین، ناکرێت تۆ لایەن ئۆپۆزسیۆن بیت و لەلایەک لەگەڵمان بیت ئەوە کارێکى زەحمەتە".

 

کاکەمین نەجار باسى لەوەشکرد، زۆریان زیان لەو دۆخە کردووە، ئەگەر هەموویان یەکدەنگ بن و پێکەوە بایکۆتى پڕۆسەى سیاسی بکەن لە عێراق حسابێکى زیاتریان بۆ دەکرێت.