گه‌ڕان

Shadow Shadow
سیاسه‌تی

وردەکاریى

سەرۆکى فراکسیۆنى پارتى هۆشدارى دەداتە فراکسیۆنى گۆڕان ’لەسەر ئەوە ڕێکنەکەوتین’

2020.11.30 - 14:06
App store icon Play store icon Play store icon
سەرۆکى فراکسیۆنى پارتى هۆشدارى دەداتە فراکسیۆنى گۆڕان ’لەسەر ئەوە ڕێکنەکەوتین’

ناس کورد- 

سەرۆکى فراکسیۆنى پارتى هۆشدارى دەداتە فراکسیۆنى گۆڕان دەکات و دەشڵێت ئەوە قەبوڵ ناکەن بەشەو ئۆپۆزسیۆن بن و بەڕۆژیش لەدەسەڵاتدا بن و لەسەر ئەو کارە قسەى جدی تر لەگەڵ گۆڕاندا دەکەن.

 

کەناڵی ناس کورد لە تێلیگرام جۆین بکە   

لەمیانەى چاوپێکەوتنێکى تەلەفزیۆنیدا کە "ناس کورد" بینیوویەتى، ئومێد خۆشناو سەرۆکى فراکسیۆنى پارتى لەپەرلەمانى کوردستان(30ى تشرینى دووەمى 2020) ڕایگەیاند :"ئێمە لەگەڵ گۆڕاندا لەسەر ئەوە ڕێکنەکەوتین کە شەو ئۆپۆزسیۆن بێت و ڕۆژیش لەدەسەڵاتدا بێت و ڕێککەوتنەکەمان بریتیى نییە لەوەى تەنها چەند پۆستێک لەحکومەت وەربگرن و ئیدى خاوەندارێتى حکومەت نەکەن و بەرپرسیارێتى هەڵنەگرن و بێن بەو شێوازە گروپەکەیان لەبەغدا لەگەڵ بەرژەوەندییەکانى هەرێمدا نەبێت و خۆى جودا بکاتەوە". 



خۆشناو وتیشى، لەئێستادا  گروپێکى ترى گۆڕان لەناو پەرلەماندا دروست بێت و بەشێکى تریشیان لەفراکسیۆنەکەیاندا بمێننەوە و خاوەندارێتى حکومەت نەکات و بەرپرسیارێتى هەڵنەگرن و تەنها چەند پۆستێک وەربگرێت و چەند کەسێک ڕازى بکات و ئەوان و فراکسیۆنەکەیان ببێتە دوو بەشەوە ئەوەش ناچێتەسەر.

 

سەرۆکى فراکسیۆنى پارتى جەختى لەسەر ئەوەش کردەوە، لەسەر ئەو دۆخە لەگەڵ گۆڕاندا قسەیان کردووە و قسەى جدی تریش دەکەن و لەسەر ئەو جۆرە ئیشکردنە ڕێکنەکەوتوون.

 

خۆشناو باسى لەوەش کرد، لەڕابردووشدا گۆڕان و زۆر هێزى تریش سودیان لەو جۆرە گوتارە نەکردووە کە کاریان لەسەر سۆز و هەستى خەڵکى کرد و گەلى کوردستانیش لەو کارانە هۆشیارە.