گه‌ڕان

Shadow Shadow
سیاسه‌تی

کرێی خوێندن کەمدەکرێتەوە

کرێی خوێندن لە قوبابخانە تایبەتەکان کەمدەکرێتەوە

2020.11.29 - 13:22
کرێی خوێندن لە قوبابخانە تایبەتەکان کەمدەکرێتەوە

ناس کورد-

 ئەندامێکی لیژنەی پەروەردە و خوێندنی باڵا لە پەرلەمانی كوردستان ڕایگەیاند، بە فەرمی داوایان لە وەزارەتی پەروەردە کردووە ھاوشێوەی خوێندنی باڵا، كرێی خوێندنی قوتابخانە تایبەتەکان بەڕێژەی %25 کەمبکاتەوە و  وەزارەتی پەروەردەش تاووتوێی دەكات و بڕیاری لەبارەوە دەدات.

 

ڕاهی ڕەهبەر، ئەندامی لیژنەی پەروەردە و خوێندنی باڵا لە پەرلەمانی کوردستان (یەکشەممە 29ی تشرینی دووەمی 2020) بە "ناس کورد"ی ڕاگەیاند: "دوای كەمكردنەوەی كرێی خوێندنی زانكۆ و پەیمانگاكان، بە نوسراوی فەرمی داوامان لە وەزارەتی پەروەردە كردووە ئەوانیش كرێی خوێندنی قوتابخانە تایبەتەکان بەڕێژەی %25 کەمبکەنەوە."

 

وتیشی: " وەزارەتی پەروەردە تاوەکو ئێستا وەڵامیان نەداوینەتەوە و تاووتوێی پێشنیازەکە دەکەن و چاوەڕێی وەڵامیانین."

 

ڕاهی ڕەهبەر ڕوونیشیکردەوە، بەدڵنیاییەوە کرێی خوێندن کەمدەکریتەوە، بەڵام ئەوان دەیانەوێت ڕێژەی %25 کەمبکرێتەوە و گەشبینین کە وەزارەتی پەروەردە داواکەیان قبوڵ دەکات بە لەبەرچاوگرتنی دۆخی دارایی.

 

لەماوەی ڕابردوودا بەفەرمی وەزارەتی خوێندنی باڵا بڕیاریدا بە کەمکردنەوەی کرێی خوێندن لە زانکۆ و پەیمانگا تایبەتەکان بەڕێژەی %10 بۆ %20.