گه‌ڕان

Shadow Shadow
سیاسه‌تی

زانیاری زیاتر

لە هەولێر گەنجێک کوڕە پورەکەى خۆی کوشت

2020.11.29 - 11:56
لە هەولێر گەنجێک کوڕە پورەکەى خۆی کوشت

ناس کورد-

لە هەولێر بەهۆی کێشەی دوو خێزانەوە کەسێک کوڕە پورێکی خۆی بەچەقۆ دەکوژێت و وتەبێژی پۆلیسی هەولێریش دەڵێت، "لێکۆڵینەوە لە ڕوداوەکە دەستی پێکردووە".

 

هۆگر عه‌زیز، وته‌بێژی به‌ڕێوه‌به‌رایه‌تى پۆلیسی هه‌ولێر (29ی تشرینی دووەمی  2020) بە "ناس کورد"ی ڕاگەیاند، لە گەڕەکی شێخ ئەحمەد لە شاری هەولێر کاتژمێر 5ی بەرەبەیانی ئەمڕۆ تیمەکانی پۆلیس ئاگادار کرانەوە لە حاڵەتێکی کوشتن، دوای گەیشتنی تیمەکانمان له‌ به‌رێوه‌به‌رایه‌تى پۆلیسی نه‌هێشتنی تاوان دەرکەوت کێشە لە نێوان دوو خێزاندا ڕویداوە کە ناسراوی یەکترین.

 

وتیشی، "بەهۆی کێشەی ئەو دوو خێزانەوە کەسێک بە ناوی (ب.ر) لە دایکبوونی 1989 بە چەقۆ لەلایەن کوڕە پورێکییەوە کوژراوە".

 

وته‌بێژی به‌ڕێوه‌به‌رایه‌تى پۆلیسی هه‌ولێر وتیشی: "لە ئێستادا په‌ڕاوی لێكۆڵینه‌وه‌ بۆ ڕووداوی شه‌ڕی نێوان هه‌ردوو خێزانەکەو كه‌سی كوژراو و بكوژ كراوه‌ته‌وه‌".