گه‌ڕان

Shadow Shadow
سیاسه‌تی

پەیامێک لە بافڵ تاڵەبانییەوە

بافڵ تاڵەبانی لەسەر کاری مافیایی و قاچاخچێتی لە هەرێم دێتەدەنگ

2020.11.28 - 22:29
بافڵ تاڵەبانی لەسەر کاری مافیایی و قاچاخچێتی لە هەرێم دێتەدەنگ

ناس کورد-

بافڵ تاڵەبانی، هاوسەرۆکی یەکێتی نیشتیمانی کوردستان، ڕایگەیاند، کاری قاچاخچێتی و مافیایی بوونی هەیە، بەڵام هەموو ئەو کەسانە دەستگیردەکەن، کە ئەو کارە دەکەن و دەشڵێت، دژی هەڵگیرسانی شەڕی کورد بە کورد و بەدیاریکراوی پەکەکەن.

 

ئێوارەی ئەمڕۆ شەممە 28ی تشرینی دووەمی 2020، بافڵ تاڵەبانی، هاوسەرۆکی یەکێتی دانیشتنێکی تایبەتی لەگەڵ نوێنەری ژمارەیەک لە کەناڵەکانی ڕاگەیاندن ئەنجامدا.

 

بەگوێرەی دەنگی ئەمەریکا کە نوێنەریان ئامادەی دانیشتنەکە بووە، سەبارەت بە قاچاخچێتی سنورەکان و هەڵکوتانە سەر بازرگانان، بافڵ تاڵەبانی ڕایگەیاندووە: " کاری مافیایی لەهەموو کوردستاندا بوونی هەیە، بەڵام ئێمە بڕیارمانداوە هەموو مافیاکان دەستگیر بکەین، تەنانەت هەرکەسێکیان لەپشت بێت."

 

هاوکات سەبارەت بە دەنگۆی پێدانی پۆستی پارێزگاری کەرکوکیش بە تورکمان و هەڵوێستی حیزبەکەی، باڤڵ تاڵەبانی ئاماژەی بەوەکردووە: " ئەو مەسەلەیە وەکو دەنگۆ بوونی هەیە، بەڵام ئەستەمە شتی وا ڕووبدات و قەبوڵی ناکەین."

 

 سەبارەت بە گرژیەکانی نێوان هەرێم و پەکەکەش، هاوسەرۆکی یەکێتی وتوویەتی: " ئێمە دژی هەڵگیرسانی شەڕی کورد بە کورد و بەدیاریکراوی پەکەکەین."