گه‌ڕان

Shadow Shadow
سیاسه‌تی

هەڵوێستی حاجی کاروان

حاجی کاروان: ئامادەم 5 ملیۆن قەرزەکە بدەم ئەگەر ئەو هاوسەرگیریە هەڵبوەشێتەوە

2020.11.28 - 19:50
App store icon Play store icon Play store icon
حاجی کاروان: ئامادەم 5 ملیۆن قەرزەکە بدەم ئەگەر ئەو هاوسەرگیریە هەڵبوەشێتەوە

ناس کورد 

حاجی کاروان، ئەندامی پێشووی پەرلەمانی کوردستان ئامادەیی خۆی دەبڕی بۆ پێدانی بڕێک پارە لەبەرانبەر هەڵوەشاندنەوەی هاوسەرگیری کچێکی 13 ساڵ و پیاوێکی تەمەن 40 ساڵ لە شارۆچکەی هەریر، کە دەوترێت لەبەرامبەر قەرز پیاوەکە ئەو کچەی هێناوە.

کەناڵی ناس کورد لە تێلیگرام جۆین بکە   

 

بەهار مونزیر، بەڕێوەبەری رێکخراوی خەڵک بۆ گەشەپێدان رایگەیاندووە، "لە شارۆچکەی هەریر کچێکی تەمەن 13 ساڵ لەبری 5 ملیۆن دینار قەرز دراوەتە پیاوێکی تەمەن 40 ساڵ و ئەو پیاوەش چوار جار ژیانی هاوسەری پێکهێناوەو ئێستا لەگەڵ ژنێکی کورد و ژنێکی دیکەی کە عەرەبە دەژی و بەو ژنە 13 ساڵەیشی کە تازە مارەی کردووە دەبێتە خاوەنی سێ ژن و لە ژنێکی دیکەش جیابووەتەوە".

 

لەوبارەیەوە حاجی کاروان بانگخوازو پەرلەمانتاری خولی پێشوی پەرلەمانی کوردستان لە فراکسیۆنی یەککگرتوو (28ی تشرینی دووەمی 2020) لە پەیجی خۆی لە فەیسبووک کە "ناس کورد" بەدواداچوونی بۆ کردووە نوسیویەتی: "من وەکو حاجی کاروان ئامادەم ئەو 5 ملیۆن دینارە بدەم بەو خاوەن قەرزە ئەگەر بەرەزامەندی هەردولا ئەو زەواجە هەڵوەشیتەوە".

 

هەر ئەمشەو ژمارەیەک لە چالاکوانان و ڕۆژنامەنوسان، بەیاننامەیەکیان بڵاوکردەوە و ئاڕاستەی سێ سەرۆکایەتییەکەی هەرێم و داواکاری گشتییان کرد بۆ ئەوەی هاوسەرگیرییەکە هەڵبوەشێننەوە و پیاوەکەش سزا بدرێت.