گه‌ڕان

Shadow Shadow
سیاسه‌تی

نەبوونى بودجە

شاره‌وانی سلێمانی له‌باره‌ی قیرتاوكردنی گەڕەکە نوێیه‌كان رونكردنه‌وه‌ ده‌دات 

2020.11.27 - 18:43
App store icon Play store icon Play store icon
شاره‌وانی سلێمانی له‌باره‌ی قیرتاوكردنی گەڕەکە نوێیه‌كان رونكردنه‌وه‌ ده‌دات 

ناس کورد-کاروان مەحمود 

 

جێگری سەرۆکی شارەوانی سلێمانی رایگەیاند، بە بڕیارى وەزارەتى دارایی ناتوانن ئەو پارەیە بۆ قیرتاوکردنى گەڕەکە نوێیەکان بەکاربهێنن کە لە هاوڵاتیان وەردەگیرێت لەکاتى تاپۆکردنى زەوی و خانوەکانیاندا، بۆیە گەڕەکەکان قیرتاو نەکراون.

کەناڵی ناس کورد لە تێلیگرام جۆین بکە   

 

ئاکۆ عەلی جێگری سەرۆکی شارەوانی سلێمانی (27ی تشرینی دووەمی 2020) بە "ناس کورد"ی رایگەیاند، ئەو گەڕەکە نوێیانەی لە شاری سلێمانی دروستبوون و تا ئێستا قیرتاو نەکراون بەهۆی نەبوونی بودجەی پێویستە، هەرکات بودجەی پێویست تەرخانکرا دەست بە قیرتاوکردنی دەکرێت.

 

سەبارەت بە نیگەرانی هاووڵاتیان بەوەی لەکاتی تاپۆکردنی زەوی و خانوەکانیان پارەی قیرانەیان لێ وەردەگیرێت و بەڵام شەقامەکانیان بۆ قیرتاو ناکرێت، جێگری سەرۆکی شارەوانی سلێمانی وتی "ئەو پارەیەی لە هاووڵاتیان وەردەگیرێت رەوانەی وەزارەتی دارایی دەکرێت و دواتر 17% بۆ شارەوانی دەگەڕێتەوە بۆ ئەو پرۆژانە و ئەوەش بۆ ئەمساڵ بەفەرمانی وەزارەتی دارایی راگیراوەو ناتوانین ئەو پارەیە بەکار بهێنین".

 

ئاکۆ عەلی جەختی لەوەشکردەوە، هەرکات وەزارەتی دارایی رەزامەندیدا لەسەر دەستپێکردنەوەی پرۆژەکان و جەرجکردنی بودجەی پێویست دەست دەکرێتەوە بە جێبەجێکردنی ئەو پرۆژانە.