گه‌ڕان

Shadow Shadow
سیاسه‌تی

نرخی نەوت

نرخی نەوت بەرەو خوارەوە هاتەوە

2020.11.27 - 11:31
نرخی نەوت بەرەو خوارەوە هاتەوە

ناس کورد-

بەهۆى پشووەكانى جەژنى سوپاسگوزارى لە ئەمريكا و زيادبوونى هەناردەى نەوت بۆ بازاڕەكان و گومانەكان لەسەر ڤاكسينەكانى دژە كۆرۆنا، نرخى نەوت دابەزينى بەخۆيەوە بينى.

 

ئاژانسى ڕۆيتەرز لە هەواڵێکیدا کە ناس کورد بەدواداچوونی بۆ کردووە (27ى تشرينى دووەم 2020) بڵاويكردوەتەوە، نرخى نەوتى خاو بەرەو دابەزین چووە بە شێوەیەک يەك بەرميل خاوى برێنت 10 سەنتى تريش پاشەكشەى كردوە، لەئێستادا يەك بەرميل بە 47 دۆلار و 70 سەنتەوە مامەڵەى پێوە دەكرێت، ئەوەش دواى ئەوەى شەوى هەينى 1.7%ى ترى نرخەكەى لەدەستدابوو.

 

ئەوەش هاوتوە، بەرميلێك خاوى تەکساسی ئەمريكى 86 سەنت (1.9%) پاشەكشەى كردوە و هاتووەتە خوارەوە بۆ 44 دۆلار و 85 سەنت، هاوکات يەك بەرميل تێكەڵەى ڕێكخراوى ئۆپێكيش بەرامبەر 46 دۆلار و 91 سەنتە.

 

ئەوەش دواى ئەوەدێت، لەماوەى هەفتەيەكدا نرخى نەوت زياتر لە 6% بەرزبونەوەى بەخۆيەوە بينى، ئەوەش بەهۆى هەواڵە خۆشەكان لەسەر سەركەوتوويى ڤاكسينەكانى دژى ڤايرۆسى كۆرۆنا و زيادبونى خواست لەسەر نەوت.