ناس کورد-
پۆلیسی هەولێر دەستگیرکردنی کەسێکی راگەیاند بە تۆمەتی بەكارهێنانی ماددەی هۆشبەر.
کەناڵی ناس کورد لە تێلیگرام جۆین بکە
بەرێوەبەرایەتی گشتی پۆلیسی هەولێر لە ڕاگەیەندراوێکدا کە وێنەیەکى دەست "ناس کورد" کەوتووە (26ی تشرینی دووەمی 2020) رایگەیاند، بەشی پۆلیسی ناوشار-رۆژهەڵات و بنكەی پۆلیسی ئیسكان، تۆمەتبارێكیان بەناوی (ب.ح.ص) بەتۆمەتی بەكارهێنانی ماددەی هۆشبەر لە جۆری (كریستاڵ) دەستگیر كردووە.
باس لەوەشکراوە، لەکاتی دەستگیرکردنی تۆمەتبارەکە دەست بەسەر دەمانچەیەك و بڕێك ماددەی هۆشبەردا گیراوە و لە ئێستادا بە بڕیاری دادوەر و بەپێی ماددە (14)ی هۆشبەرەكان لە یاسای سزادان راگیراوە.
