گه‌ڕان

Shadow Shadow
سیاسه‌تی

پەیڕەوکردنى سزا

لێدوانى پەرلەمانتارێکى گۆڕان لەبارەى ئەگەرى هەموارکردنى یاساى هەڵبژاردنەکان

2020.11.25 - 21:57
لێدوانى پەرلەمانتارێکى گۆڕان لەبارەى ئەگەرى هەموارکردنى یاساى هەڵبژاردنەکان

ناس کورد-

ئەندامێکی لیژنەی یاسایی پەرلەمانی عێراق ڕایگەیاند، بۆ ئەوەی کۆمسیۆنی  هەڵبژاردنەکانی عێراق بتوانێت ئەرکەکانی خۆی لەئەنجامدانی هەڵبژاردنەکانی حوزەیرانی داهاتوو بەشێوەیەکی باش ئەنجام بدات، چاوەڕێ دەکرێت یاسای هەڵبژاردنەکان لەلایەن سەرۆکایەتیی کۆمار و پەرلەمانەوە هەموار بکرێتەوە.

 

بەهار مەحمود، ئەندامی لیژنەی یاسایی پەرلەمانی عێراق لە لێدوانێکدا بۆ ڕۆژنامەی "سەباح"ی فەرمی کە "ناس کورد" بەدواداچوونی بۆ کردووە (25ی تشرینی دووەمی 2020)  ڕایگەیاند :"پڕۆژە یاسای هەڵبژاردنەکان لەئێستادا لەبەردەست سەرۆکایەتی کۆماردایە و تائێستا ڕەوانەی پەرلەمانی نەکردووەتەوە".

 

وتیشی :"لەئێستادا جوڵانەوەیەکی چڕ بۆ دەستوبڕدکردن لە هەموارکردنەوەی یاساکەدا هەیە، چونکە ئەو پرسە پەیوەندییەکی ڕاستەوخۆى هەیە بە ئەنجامدانی هەڵبژاردنەکانی حوزەیرانی داهاتووەوە".

 

ئەندامەکەی لیژنەی یاسایی پەرلەمانی عێراق، ئاماژەی بەوەشکرد :"فراکسیۆنی گۆڕان لە پەرلەمانی عێراق چەند پێشنیازێکی ئاڕاستەی پەرلەمان کردووە لەبارەی هەڵبژاردنەکانی داهاتووەوە، وەک بەکارهێنانی کارتی بایۆمەتری بۆ دەنگدەران و بژاردنی دەنگەکانیش کە دەبێت بە شێوەیەکی ئەلکترۆنی بێت، لەگەڵ دانانی چەند یاسایەکی سزادان لە کاتی بوونی هەر پێشیلکارییەک لە پرۆسەکەدا".