گه‌ڕان

Shadow Shadow
سیاسه‌تی

’’بۆ کڕینی خانوو’’

بە ڕێکخراوێکی ساختەوە پارە لە کەسوکاری شەهیدان و هەژاران وەرگیراوە

2020.11.25 - 15:31
بە ڕێکخراوێکی ساختەوە پارە لە کەسوکاری شەهیدان و هەژاران وەرگیراوە

ناس کورد-

ئاسایشی رۆژئاوای سلێمانی دەستگیرکردنی کەسێکی ڕاگەیاند کە بەناوی ڕێکخراوی ساختەوە پارەی لە کەسوکاری شەهید و هەژاران وەرگرتووە بۆ کڕینی خانوو بۆیان، هاوکات داواش دەکات هاوڵاتیان لە هەر حاڵەتێکی گوماناوی ئاگاداریان بکەنەوە.

 

بەڕێوەبەرایەتی ئاسایشی ڕۆژئاوای سلێمانی (25ی تشرینی دووەمی 2020) لە ڕاگەیەنراوێکدا کە ناس کورد بەدواداچوونی بۆ کردووە دەڵێت، لەسەر بنەمای زانیاری سەرچاوە تایبەتاکانمان تۆمەتبارێک بەناوی (ٲ ، ق، ف) دانیشتوی تەکیەی کاکەمەند تەمەن (30) ساڵ دەستگیرکرا، تۆمەتبار لەڕێگەی تەلەفونەوە پەیوەندیکردوە بە کەسوکاری شەهید و پێشمەرگەو خێزانە کەم دەرامەتەکانەوە، بەناوی ڕێکخراوێکی خێرخوازی ساختە خۆی ناساندوەو بەڵێنی پێداون کەخانویان بۆ بکڕێت بەمەرجێک 20% نرخی خانوەکەی پێبدەن.

 

باسی لەوەشکراوە، لەمیانی لێکۆڵینەوەدا تۆمەتبار دانی بەوەداناوە کەبڕی دوو هەزارو 500 دۆلاری ئەمریکی لە هاوڵاتی (ش ، ح ، م ) وەرگرتوە کەخێزانی شەهیدێکی پێشمەرگەیە، پەیوەندی بەکەسێکی دیکەشەوە کردوە لەسەر ئەوە ڕێککەوتون کەبڕی شەش هەزار دۆلاری ئەمریکی لێوەربگرێت لەبەرامبەردا خانویان بۆ بکڕێت، بەڵام فریا ناکەوێت ئەو بڕە پارەیە وەربگرێت لەلایەن هێزەکانمانەوە چاودێری ورد دەکرێت و لەناوبازاڕی چەمچەماڵ دەستگیردەکرێت.

 

ئاسایشی رۆژئاوای سلێمانی ڕاشیگەیاندووە، لەئێستادا بە بڕیاری دادوەری دادگای لێکۆڵینەوەی چەمچەماڵ بەپێی ماددەی (456) لەیاسایی سزادانی عێراقی ڕاگیراوەو لێکۆڵینەوە لەدۆسێکەی بەردەوامە.

 

بەڕێوەبەرایەتی ئاسایشی رۆژئاوای سلێمانی داوا لە هاووڵاتیان دەکات لەکاتی هەبونی هەرحاڵەتێکی گوماناوی پەیوەندی بکەن بەئاسایشی سنورەکەیانەوە بۆ بەدواداچون لەڕاستی و دروستی بابەتەکان و لێکۆڵینەوەکردن لەوبارەیەوە.me_ga.php?id=1670