گه‌ڕان

Shadow Shadow
سیاسه‌تی

هۆکارەکەى ئەمنییە

ئیمارات پێدانى ڤیزاى بە هاوڵاتیانى عێراق ڕاگرت

2020.11.25 - 15:12
ئیمارات پێدانى ڤیزاى بە هاوڵاتیانى عێراق ڕاگرت

ناس کورد-

ئیمارات ڤیزاى لەسەر هاوڵاتیانى 13 وڵات ڕاگرت کە زۆربەیان وڵاتانى موسڵمانانن و عێراقیش یەکێکە لەوانە.

 

لە هەواڵێکىدا کە ناس کورد بەدواداچوونى بۆ کردووە، ئاژانسى هەواڵى ڕۆیتەرز (25ى تشرینى دووەمى 2020) بڵاوى کردەوە، بەپێى بەڵگەنامەیەکى دەزگاى کۆچى ئیماراتى لە 18ى ئەم مانگەوە پێدانى ڤیزاى ئەو وڵاتە بە 13 وڵات ڕاگیراوە کە زۆربەیان وڵاتانى موسڵمانن لەوانە عێراق و سۆماڵ و ئێران و سوریایشى تێدایە.

 

ئاماژە بۆ ئەوەش کراوە، هەروەها ڤیزاى کار و سەردانیش لە هاوڵاتیانى ئەو وڵاتانە تا کاتێکى نادیار ڕاگیراوە و ئەفغانستان و لیبیا و جەزائیر و کینیا و لوبنان و پاکستان و تونس و تورکیا و یەمەنیشى تێدایە.

 

هەرچەندە ئیمارات هۆکارى ئەو بڕیارە و هەوڵاێردنکردنى وڵاتێکى ئاشکرا نەکردووە بەڵام سەرچاوەیەکى ئاگادار لەو بارەیەوە بە ڕۆیتەرزى ڕاگەیاندووە، ئیمارات بەهۆکارى ئەمنیى پێدانى ڤیزاى لە ژمارەیەک وڵات ڕاگرتووە و تەنها ئەوە باسکراوە ڕاگرتنەکە بۆ ماوەیەکى کەمى کاتییە.

 

هەفتەى ڕابردووش وەزارەتى دەرەوەى پاکستان ڕایگەیاندبوو، داواى ڕوونکردنەوەى ئەو بڕیارە لەئیمارات دەکات و لەو باوەڕەشدایە کە هۆکارەکە پەیوەندى بەپەتاى کۆرۆناوە بێت.