گه‌ڕان

Shadow Shadow
سیاسه‌تی

’بەڕونی ناسراون’

کوڕى سەرکردەیەکى یەکێتى لەسەر هێرشکردنە سەر چێشتخانەکە رونکردنەوە دەدات

2020.11.22 - 21:24
کوڕى سەرکردەیەکى یەکێتى لەسەر هێرشکردنە سەر چێشتخانەکە رونکردنەوە دەدات

ناس کورد-

کوڕێکى عیماد ئەحمەد ئەندامى سەرکردایەتى یەکێتى رایگەیاند، ئەو هیچ پەیوەندییەکى بەروداوى هێرشکردنە سەر چێشتخانەکەى سلێمانى یەوە نییە.

 

لە رونکردنەوەیەکدا کە وێنەیەکى دەست "ناس کورد" کەوتووە، ئارام عیماد ئەحمەد ئاماژەى بەوەکردووە "لە ھەندێک پەیجی فەیک و گومانلێکراوەوە، بەئامانجی چەواشەکاری و لێدان لەناوبانگی کۆمەڵایەتیمان، پڕوپاگەندەی ئەوە بڵاوکراوەتەوە، کە گوایە منیش لە ڕوداوەکەی چێشتخانەی کامەران و لەناو ڤیدیۆکە یەکێک بم لەوانەی  دەردەکەون".

 

هەروەها دەڵێت "ئەوە بابەتێکی ناڕاست و ھەڵبەستراوە و بەھیچ شێوەیەک و دورونزیک لەو بابەتە نەخوازراوەدا بونمان نیە و کورد وتەنی: پەتی درۆ کورتە و لایەنە پەیوەندیدارەکان لەناو ئەو ڕوداوەدا لای پؤلیس و ھێزە ئەمنیەکان بەڕونی ناسراون".

 

پێشتر خاوەنى چێشتخانەى کامەران لەعەقارى شارى سلێمانى ڕایگەیاند، هێزێکى چەکدار هەڵیانکوتاوەتە سەر چێشتخانەکەى دەستیانکردووە بە لێدان و فەلاقەکردنى.

 

عەمید ئاسۆ شێخ تەها، بەڕێوەبەری پۆلیسی پارێزگاری سلێمانی  لە لێدوانێکیدا بۆ "ناس کورد" (22ى تشرینى دووەمى 2020) رایگەیاند "ئەو كەسانەی هێرشیانكردە سەر چێشتخانەكەی گەڕەكی عەقاری دەستگیركراون.  

  

وتیشى "هێرشبەرانی سەر چێشتخانەی كامەران دەستبەسەرن و لێكۆڵینەوە لەگەڵیان بەردەوامە".