گه‌ڕان

Shadow Shadow
سیاسه‌تی

وردەکاریى زیاتر

گەرمیان؛ سێ برا خوشکێکى خۆیان هەڵواسى

2020.11.22 - 20:15
گەرمیان؛ سێ برا خوشکێکى خۆیان هەڵواسى

ناس کورد- 

بەڕێوەبەرایەتى پۆلیسى گەرمیان ئاشکرایکرد، ئافرەتێک بە کوژراوى دۆزرایەوە کە هەڵواسراوە و بەهۆى ئەوەشەوە چوار کەس دەستگیر کراون کە سیانیان براى ئافرەتەکەن.
 

 موقەدەم علی جەمال قدوری، وتەبێژى پۆلیسی گەرمیان لە راگەیەندراوێکدا کە "ناس کورد" بینیوویەتى بڵاویکردەوە، دوای ئەوەی ئێوارەی ڕۆژی هەینی ڕابردوو لەبەرواری 20\11\ 2020 ئاگادارکراینەوە لەبونی تەرمێک لەگەڕەکی شارەوانی دوی قەزای کەلار دەستبەجێ مەفرەزەکانمان چونە شوێنی ناوبراو.

 

باسى لەوەشکرد، ئافرەتێک لەدایکبووی 1994 لەماڵەکەی خۆیدا هەڵواسراوە و گیانی لەدەستداوە. 

 

بەئامادەبونی دادوەری لێکۆڵینەوەی کەلار و بەڕێوەبەری بەشی پۆلیسی نەهێشتنی تاوانی گەرمیان لێکۆڵینەوە لەشوێنی ڕوداوەکە کراو تەرمی ناوبراو بەمەبەستی پشکنین ڕەوانەی پزیشکی دادوەری قەزای کەلار کرا.

 

 عەلی جەمال قدوری جەختیشى کردوەتەوە، دوای کەمتر لەدوو کاتژمێر مەفرەزەکانمان لەبەشی پۆلیسی نەهێشتنی تاوانی گەرمیان توانیان چوار تۆمەتبار دەستگیربکەن کە سێ کەسیان برای کوژراوەکەن دوای لێکۆڵینەوە لەگەڵ تۆمەتباراندا دانیان نابەتاوانەکەدا کە بەهۆی کێشەیەکی کۆمەڵایەتیەوە ئەو تاوانەیان ئەنجامداوە و لەئێستادا بەبڕیاری دادوەرو بەپێی مادەی 406 تۆمەتباران بەندکراون.