گه‌ڕان

Shadow Shadow
سیاسه‌تی

وردەکاریى

کارەباى سلێمانى داوایەک ئاراستەى هاوڵاتیانى چەند ناوچەیەک دەکات

2020.11.22 - 19:54
کارەباى سلێمانى داوایەک ئاراستەى هاوڵاتیانى چەند ناوچەیەک دەکات

ناس کورد- 

لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی دەستپێکردنى دانانى پێوەرى زیرەکى لە چەند ناوچەیەکى شارى سلێمانى ڕاگەیاند و داوایەکیش لە هاوڵاتیان دەکات.

 

لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی لە ڕاگەیەنراوێكدا کە وێنەیەکى دەست "ناس کورد" کەوتووە ئاشکرایکردوە، پیشەوەران و خاوەن كارگەكانی ناوچەی پیشەسازی یەک و كارگە و پیشەوەرانی پشت دەروازە ستی و نزیك ئاوبارە كە دەكەونە سەر فیدەری 50 ڕۆژى دوو شەممە 23ى تشرینى دووەمى 2020 پێوەری زیرەكی كارەبایان بۆ دەبەسترێت.

 

لە ڕاگەیەنراوەکەدا ئاماژە بەوە کراوە، ئەو ناوچانە لە کاتژمێر 7ى بەیانییەوە تا 1ى پاشنیوەڕۆ بێ کارەبا دەبن، ئەوەش لە پێناو سەلامەتی گیانی تیمەكانی كارەبا و هاووڵاتیان.

 

لیژنەی سەرپەرشتیاری پڕۆژەی تۆڕی زیرەكی كارەبا داواش دەکات، لە پێناو پاراستنی ئامێرە كارەباییەكان پێش هەڵکردنەوەى كارەبا هەموو ئامێرە كارەباییەكانیان بكوژێننەوە و دواتر هەڵیان بكەنەوە.