گه‌ڕان

Shadow Shadow
سیاسه‌تی

پەیامێک لە لاهور شێخ جەنگییەوە

لاهور شێخ جەنگی پەیامێكی لەبارەی كۆبوونەوەی سەركردایەتیی یەكێتی بڵاوكردەوە

2020.11.21 - 23:11
لاهور شێخ جەنگی پەیامێكی لەبارەی كۆبوونەوەی سەركردایەتیی یەكێتی بڵاوكردەوە

ناس کورد-

لاهور شێخ جەنگی لە پەیامێکدا ناوەڕۆکی کۆبوونەوەی سەرکردایەتیی یەکێتی ئاشکراکرد و ڕایگەیاند، لە کۆبوونەوەکەدا باس لە موچەی فەرمانبەرانی هەرێم و پرسی لامەرکەزی و ناوخۆی حزب تاووتوێکراوە.

 

لاهور شێخ جەنگی، هاوسەرۆکی یەکێتیی نیشتیمانیی کوردستان لە پەیامێکدا (شەممە 21ی تشرینی یەکەمی 2020) ڕایگەیاند: "ئەمڕۆ لەڕۆژی شەهیدانی یەکێتیی نیشتیمانیی کوردستان کۆبوونەوەی ئەنجومەنی سەرکردایەتی بەسەرۆکایەتی بافڵ تاڵەبانی و بەندە بەڕێوەچوو، سەرەتای کۆبوونەوەکە بە ساتێک وەستان بۆ گیانی پاکی شەهیدانی یەکێتیی نیشتیمانیی کوردستان دەستی پێکرد و پاشان 21 مۆم وەک گوزارشت لەڕێز و وەفا بۆ ڕۆحی پاکی شەهیدان داگیرسا."

 

ئاماژەی بەوەشكردووە: " کۆبوونەوەکە دوا گۆڕانکاری و پێشهاتەکانی لەهەرێم و بەغدا تاوتوێکرد و باس لەپرسی موچەی فەرمانبەرانی هەرێمی کوردستان کرا."

 

لاهور شێخ جەنگی باسی لەوەشكردووە: " تەوەرێکی تری کۆبوونەوەکە تاووتوێکردنی پرسی لامەرکەزییەت بوو کە پەیڕەوێک ئامادەکراوە و بڕیار وایە کۆبوونەوەی لایەنە سیاسیەکان لەبارەیەوە ئەنجام بدرێت."

 

هاوسەرۆکی یەکێتی دەشڵێت: " هەر لەوکۆبونەوەیەدا باسم لەسەردانەکەم کرد بۆ بەغدا و کۆبوونەوەکانمان بۆ ڕونکردنەوە کەئێستا یەکێتیی نیشتیمانیی لەگەل تەبایی و برایەتی دایە و دەبێت پرسی موچە بەسیاسی نەکرێت، تەوەری کۆتایش گفتوگۆی هەڤاڵانی سەرکردایەتی بوو لەسەر پرسی ناوخۆی حیزب."

 

جگە لەوەش، سەرکردایەتیى یەکێتیى نیشتیمانیى کوردستان بڕیاریدا مەلا بەختیار لە ریزەکانى "سڕ بکات"، بەهۆى ئەوەى پابەندى پەیڕەوى ناوخۆى حزبەکەى نەبووە و پێچەوانەى ئەوە قسەیکردووە.  

  

دوو سەرچاوە لە سەرکردایەتى یەکێتى (21ی تشرینی دووەمی 2020) بە "ناس کورد" یان راگەیاند، بڕیارەکە لەکۆبوونەوەى ئەمڕۆى ئەنجومەنەکەدا دراوە و دواتریش رونکردنەوەى تەواو لەو بارەیەوە دەدرێت.  

  

یەکێک لە سەرچاوەکان وتى "هۆکارى بڕیارەکە ئەوە بووە کە مەلا بەختیار پابەندى پەیڕەوى ناوخۆ و پرەنسیپەکانى حزب نەبووە و پێچەوانەى ئەوە جوڵاوەتەوە و قسەیکردووە".