گه‌ڕان

Shadow Shadow
سیاسه‌تی

پێشنیارێکی پارتی بۆ گۆڕان و یەکێتی

گۆڕان ’’ڕێککەوتنی لەگەڵ پارتی’’ تاووتوێ دەکات

2020.11.21 - 20:21
گۆڕان ’’ڕێککەوتنی لەگەڵ پارتی’’ تاووتوێ دەکات

ناس کورد-

رێکخەرى گشتى و خانەى راپەڕاندن و تیمى وزارى بزوتنەوەى گۆڕان کۆبوونەو و  ئەندامێکى خانەى راپەڕاندنیش دەڵێت، لە کۆبونەوەکەدا هەڵسەنگاندن بۆ ئەداى حکومەت کراوە و پرسی جێبەجێکردنی ڕێککەوتنەکەیان لەگەڵ پارتی تاووتوێ کردووە.

 

ئەمڕۆ شەممە 21ی تشرینی دووەمی 2020، کۆبوونەوەى رێکخەرى گشتى و خانەى راپەڕاندن و تیمى گۆڕان لە حکومەت لە مەکۆى سەرەکى بزووتنەوەکە بەڕێوەچوو.

 

لەبارەی ئامانج و ناوەڕۆکى کۆبونەوەکەوە شەماڵ عەبدولوەفا، ئەندامى خانەى راپەڕاندن بە میدیای فەرمیی گۆڕانی راگەیاند؛ "هەر چەند مانگ جارێک خانەى راپەڕاندن و تیمى حکومەت کۆدەبینەوە، لە کۆبوونەوەى ئەمڕۆدا ئەداى حکومەت و هەڵسەنگاندنى ئێمە بۆ ئەوان و ئەوانیش چالاکى و وردکردنەوەى ئەو پڕۆژانەى هەیانە تاوتوێکران و تیشک خرایە سەر کەموکورتییەکان".



ئاماژەى بەوەش کردووە: "بەشێکى کۆبوونەوەکە تایبەت بووە بە کاروبارەکانى حکومەت بەتایبەت بابەتى چاکسازى و پێکهێنانى ئەنجومەنى باڵاى چاکسازى و ئەو پلان و بەرنامانەى بەپێى رێککەوتنى پێکهێنانى کابینەى نۆ لەگەڵ پارتى دیموکراتى کوردستان لەسەریان رێککەوتوون بۆ ئەوەى کارا بکرێن بە ئامانجى جێبەجێکردنیان".



باسی لەوەشکردووە: "بارى سەرنجى خەڵک و هەڵسوڕاوەکانمان و خۆشمان لە چوارچێوەى راپۆرتێکدا دەدەینە تیمى حکومەت، بە سەرۆکى تیمى حکومەت و وەزیرەکانمان و بریکارى وەزارەتەکان، بەنیازیشین لە داهاتوودا کۆبونەوەیەکى فراوانتر بکەین کە هەمو تیمى حکومەت بە راویژکارەکان و بەڕێوەبەرە گشتییەکان بەشداربن، بەهەمان شێوە کۆبونەوەیەکى دیکەى تیمى حکومەتى خۆجێیش لەگەڵ بەڕێوەبەرى گشتى و قائیمقام و بەڕیوەبەرى ناحییەکان ئەنجام دەدەین".



لەبارەى ئەنجامدانى کۆبوونەوەى سێقۆڵى هەرسێ لایەنى پێکهێنەرى حکومەتیش، شەماڵ عەبدولوەفا ئاماژەی بەوەکردووە: " "یەکێتى و پارتى کۆبوونەوەیەکیان کردووە جەختیان کردوەتەوە لەسەر پرسى لامەرکەزییەت، پارتى دیموکراتى کوردستان پیشنیاریان کردوە کە هەر سێ لایەن بە پڕۆژەوە کۆببینەوە بۆ ئەوەى لەسەر پرسى لامەرکەزى رێکبکەوین و پێشکەشى حکومەتى بکەین، ئەوانیش دواى شەن و کەو و رێکخستنەوەى پێشکەشى پەرلەمانى بکەن و بکرێت بە یاسا".